ជាតិ
សេដ្ឋកិច្ច
មិនមានគ្រឹះស្ថានចូលរួមដេញថ្លៃយកប្រាក់រៀលក្នុងខែនេះឡើយ
× ភ្នំពេញ៖ ក្នុងប្រតិបត្តិការដាក់ឲ្យដេញថ្លៃប្រាក់រៀលដោយធនាគារជាតិនៃកម្ពុជា ប្រចាំខែសីហានេះ ពុំមានគ្រឹះស្ថានធនាគារ និងហិរញ្ញវត្ថុចូលរួមដេញថ្លៃឡើយ។ នេះបើតាមសេចក្ដីជូនដំណឹងរបស់ធនាគារជាតិ។--
សូមបញ្ជាក់ថា ធនាគារជាតិ បានប្រកាសដាក់ឲ្យដេញថ្លៃកញ្ចប់ប្រាក់រៀលបីប្រភេទ គឺឥណទាន ៩១ថ្ងៃចំនួន ៧០ពាន់លានរៀល, ឥណទាន ១៨២ថ្ងៃចំនួន ៦០ពាន់លានរៀល និងឥណទាន ៣៦៤ថ្ងៃចំនួន ៥០ពាន់លានរៀល សម្រាប់ខែសីហានេះ។
ការដាក់ឲ្យដេញថ្លៃប្រាក់រៀលនេះ ស្ថិតក្នុងប្រតិបត្តិការផ្ដល់សន្ទនីយភាពដោយមានការធានា (LPCO) របស់ធនាគារជាតិ ក្នុងគោលដៅជំរុញឲ្យគ្រឹះស្ថានហិរញ្ញវត្ថុ បញ្ចេញឥណទានឲ្យបានច្រើនឡើង និងចរាចរប្រាក់រៀលលើទីផ្សារ៕
© រក្សាសិទ្ធិដោយ thmeythmey.com