ជាតិ
រថយន្ត
ចិន ថ្វាយរថយន្តនិងគ្រឿងចក្រច្រើនប្រភេទដល់អង្គព្រះមហាក្សត្រ រូបពី akp
× ស្ថានទូតនៃសាធារណរដ្ឋប្រជាមានិតចិន ប្រចាំកម្ពុជា បានចូលក្រាបថ្វាយបង្គំ ព្រមទាំងថ្វាយរថយន្ត និងគ្រឿងចក្រច្រើនប្រភេទដល់អង្គព្រះមហាក្សត្រ ព្រះបាទសម្ដេចព្រះបរមនាថ នរោត្តម សីហមុនី នៅព្រឹកថ្ងៃទី២៤ ខែសីហា ឆ្នាំ២០១៨។
ទីភ្នាក់ងារសារព័ត៌មានកម្ពុជា បានចុះផ្សាយថា រថយន្តនិងគ្រឿងចក្រទាំងនោះ រួមមាន គ្រឿងចក្រជីកដី, គ្រឿងចក្របញ្ជាកាយដី, គ្រឿងម៉ាស៊ីនខួងអណ្ដូង, រថយន្តពន្លត់អគ្គិភ័យ, គ្រឿងយន្តត្រាក់ទ័រ និងបរិក្ខារប្រើប្រាស់ជាច្រើនទៀត។
ការថ្វាយនូវរថយន្តនិងគ្រឿងចក្រទាំងនោះ គឺសំដៅចូលរួមចំណែកក្នុងកិច្ចការមនុស្សធម៌ និងសម្រាប់ជួយសម្រាលទុក្ខលំបាកដល់ប្រជាពលរដ្ឋកម្ពុជា៕
Tag:
ស្ថានទូតចិន
ព្រះមហាក្សត្រ
© រក្សាសិទ្ធិដោយ thmeythmey.com