ជាតិ
សេដ្ឋកិច្ច
រយៈពេល៨ខែ រដ្ឋប្រមូលចំណូលពីការលក់សំបុត្រចូលទស្សនារមណីយដ្ឋានអង្គរបានជិត៨០លានដុល្លារ
×![]()
ដោយ: ថ្មីៗ
សៀមរាប៖ ក្នុងរយៈពេល៨ខែដើមឆ្នាំ២០១៨នេះ រដ្ឋបានប្រមូលថវិកាចំនួន ជិត៨០លានដុល្លារពីការលក់សំបុត្រចូលទស្សនារមណីយដ្ឋានអង្គរ។ ចំនួននេះគឺមានការកើនឡើងជាង១០ ភាគរយ បើធៀបនឹងរយៈពេលដូចគ្នាកាលពីឆ្នាំកន្លងទៅ។
តាមរយបាយការណ៍របស់គ្រឹះស្ថានអង្គរ ដែលគ្រប់គ្រងលើការលក់សំបុត្រចូលទស្សនារមណីយដ្ឋានអង្គរជំនួសក្រុមហ៊ុន សុខា អូតែល កាលពីឆ្នាំ២០១៦ ត្រឹមរយៈពេល៨ខែដើមឆ្នាំនេះ ចំណូលពីការលក់សំបុត្រចូលមានចំនួន ៧៨,៧៧៨,២០៨ ដុល្លារអាមេរិក កើនឡើងចំនួន ១៣.៧៩ ភាគរយ ធៀបនឹងរយៈពេលដូចគ្នាកាលពីឆ្នាំទៅ។ ចំណែកចំនួនទេសចរដែលចូលទិញសំបុត្រ មានចំនួន ១,៧៤៤,៧០៤ នាក់ កើនឡើងជាង៨ ភាគរយ។
ជាមួយគ្នានេះ ចំណូលសរុបដែលបង់ចូលទៅក្នុងមូលនិធីមន្ទីរពេទ្យគន្ធបុប្ផាដែលដករាល់សំបុត្រពីភ្ញៀវចំនួន២ដុល្លារ ក្នុងរយៈពេល៨ខែនេះ មានចំនួន ៣,៤៨៩,៤០៨ ដុល្លារអាមេរិក៕
© រក្សាសិទ្ធិដោយ thmeythmey.com
