ជាតិ
សាកលវិទ្យាល័យចំនួន៦ ប្រកាសផ្តល់អាហារូបករណ៍ដល់សិស្សជាង៤០០០កន្លែង
× សាកលវិទ្យាល័យក្នុងស្រុកចំនួន៦ បានប្រកាសផ្តល់អាហារូបកណ៍គ្រប់ជំនាញ សរុប៤២៧០កន្លែង ដល់សិស្សប្រឡងជាប់សញ្ញាបត្រមធ្យមសិក្សា(បាក់ឌុប)ឆ្នាំ២០១៨ ក៏ដូចសិស្សប្រឡងជាប់នៅឆ្នាំមុនៗ។ អ្នកដែលចាប់អារម្មណ៍ អាចដាក់ពាក្យប្រឡង និងស្នើសុំអាហារូបករណ៍ ពីសាកលវិទ្យាល័យទាំងនោះបាន។
សាកលវិទ្យាល័យទាំង៦នោះរួមមាន៖ សាកលវិទ្យាល័យមេគង្គកម្ពុជា ផ្តល់អាហារូករណ៍គ្រប់ជំនាញ ចំនួន៤៥០កន្លែង។ ក្នុងនោះមានអាហារូករណ៍១០០ភាគរយ ៥០កន្លែង អាហារូបករណ៍៧៥ភាគរយ ១០០កន្លែង និងអាហារូបករណ៍៥០ភាគរយ ចំនួន៣០០កន្លែង។ ការប្រឡងយកអាហារូបករណ៍ នឹងផុតកំណត់នៅថ្ងៃទី២៧កញ្ញា។ ចំណែកសាកលវិទ្យាល័យបញ្ញាសាស្ត្រកម្ពុជា ផ្តល់ឱកាសដល់សិស្សប្រឡងយកអាហារូបករណ៍១០០ភាគរយ ចំនួន៥០កន្លែង ដែលការប្រឡងនេះ នឹងផុតកំណត់នៅថ្ងៃទី៣០កញ្ញា។
សម្រាប់សាកលវិទ្យាល័យកម្ពុជាអន្តរជាតិ(CamIU) ផ្តល់អាហារូបករណ៍ដោយស្វ័យប្រវត្តិ៥០ភាគរយ ដល់សិស្ស៣០០នាក់ ដែលបានចុះឈ្មោះចូលរៀនមុនថ្ងៃទី១តុលា ឆ្នាំ២០១៨ និងមានការប្រឡងយកអាហារូបករណ៍១០០ភាគរយ ក្នុងរយៈពេល៤ឆ្នាំផងដែរ។
ដោយឡែកសាកលវិទ្យាល័យអន្តរជាតិ(IU) ផ្តល់អាហារូបករណ៍៥០ភាគរយ ចំនួន៣២០កន្លែង ដែលមាននៅសាខាកំពង់ឆ្នាំងមាន១២០កន្លែង ក្នុងនោះមាន ២០ន្លែងផ្តល់លើជំនាញសុខាភិបាល និងមាន២០០កន្លែងទៀត ផ្តល់ឲ្យសិស្សដែលរៀននៅសាខាបាត់ដំបង។
ងាកមកសាកលវិទ្យាល័យកម្ពុជា(UC) ផ្តល់អាហារូបករណ៍១០០ភាគរយ ចំនួន៣០៥០កន្លែង។ ក្នុងនោះមាន១០៥០កន្លែង សិក្សាលើកម្រិតបរិញ្ញបត្រ និង២០០០កន្លែងទៀត ផ្តល់ឲ្យនិស្សិតសិក្សាកម្រិតអនុបណ្ឌិត និងបណ្ឌិត។ ការផ្តល់អាហារូបករណ៍នេះ ផុតថ្ងៃកំណត់នៅថ្ងៃទី១៣ ខែតុលា ឆ្នាំ២១០៨ និងចុងក្រោយវិទ្យាស្ថានអន្តរជាតិកម្ពុជា-អាស៊ាន បានផ្តល់អាហារូបករណ៍តាមនិទេ្ទសសិស្ស ដែលមកប្រឡងតេស្តសមត្ថភាព ចំនួន១០០កន្លែង។ ក្នុងនោះអាហារូករណ៍១០០ភាគរយ មាន១០កន្លែង សម្រាប់សិស្សធ្វើតេស្តសមត្ថភាពជាប់និទេ្ទសA, អាហារូបករណ៍៥០ភាគរយ មាន២០កន្លែងសម្រាប់និទ្ទេសB, អាហារូបករណ៍៣០ភាគរយ មាន៣០កន្លែង សម្រាប់និទ្ទេសC និង១០ភាគរយ មាន៤០កន្លែង សម្រាប់និទ្ទេសD,E ៕
Tag:
អាហារូបករណ៍
សិស្ស
បាក់ឌុប
© រក្សាសិទ្ធិដោយ thmeythmey.com