ប្រធានាធិបតីលីបេរីយ៉ាចូលលេងឲ្យជម្រើសជាតិនាជំនួបមិត្តភាពជាមួយនីហ្សេរីយ៉ា

កីឡាអន្តរជាតិ

អន្តរជាតិ

ប្រធានាធិបតីលីបេរីយ៉ាចូលលេងឲ្យជម្រើសជាតិនាជំនួបមិត្តភាពជាមួយនីហ្សេរីយ៉ា

12, Sep 2018 , 2:23 pm

រូបភាព

លោកប្រធានាធិបតីលីបេរីយ៉ា-George-Weah

ដោយ: ទេព ពិទូរ្យ

ប្រធានាធិបតីលីបេរីយ៉ាលោក George Weah បានចូលរួមក្នុងនាមជាកីឡាករឲ្យក្រុមជម្រើសជាតិរបស់លោកក្នុងការប្រកួតមិត្តភាពអន្តរជាតិទល់នឹងក្រុមនីហ្សេរីយ៉ានៅរដ្ឋធានី Monrovia នាថ្ងៃទី១១ ខែកញ្ញា។

លោក Weah វ័យ៥១ឆ្នាំ ដែលជាកីឡាករបាល់ទាត់អាហ្វ្រិកតែម្នាក់គត់ដែលបានឈ្នះពានរង្វាន់កីឡាករឆ្នើមប្រចាំឆ្នាំលំដាប់ពិភពលោក Ballon d'Or នោះ បានបង្ហាញខ្លួនឲ្យជម្រើសជាតិលីបេរីយ៉ារយៈពេល ៧៩នាទីក្នុងបរាជ័យនៅផ្ទះខ្លួនឯងក្រោមថ្វីជើងក្រុមភ្ញៀវនីហហ្សេរីយ៉ាដោយលទ្ធផល ២-១។

លីបេរីយ៉ាបានរៀបចំការប្រកួតមិត្តភាពអន្តរជាតិនេះឡើងដើម្បីជាការប្រកាសចូលនិវត្តន៍អាវលេខ១៤ របស់ Weah ដែលពាក់សម្រាប់ក្រុមជម្រើសជាតិ ក្នុងនាមជាកីឡាករដែលមានកម្រិតខ្ពស់បំផុត។

អតីតខ្សែប្រយុទ្ធ Paris Saint-Germain, AC Mila, Chelsea, Manchester City, Marseille និង Al Jazira រូបនេះបានចូលនិវត្តន៍ពីអាជីពកីឡាបាល់ទាត់ក្នុងឆ្នាំ២០០៣ ដើម្បីចូលប្រឡូកក្នុងវិស័យនយោបាយ ដោយចូលបម្រើជាសមាជិកព្រឹទ្ធសភាក្នុងប្រទេសលីបេរីយ៉ាតែម្តង។ លោកបានឈ្នះការបោះឆ្នោតភ្លូកទឹកភ្លូកដីកាលពីចុងឆ្នាំ២០១៧ និងស្បថចូលកាន់តំណែងជាប្រធនាធិបតីនៃប្រទេសនេះកាលពីខែមករាកន្លងទៅ។

សម្រាប់សមាសភាពកីឡាកររបស់ក្រុមនីហ្សេរីយ៉ាសម្រាប់ការប្រកួតនោះសុទ្ធសឹងកីឡាករល្បីៗដូចជា Wilfred Ndidi និង និងខ្សែប្រយុទ្ធ Kelechi Iheanacho របស់ Leicester City និងខ្សែបម្រើកណ្តាល Peter Etebo របស់ Stoke City ជាដើម។ ២គ្រាប់របស់នីហ្សេរីយ៉ារកបានដោយកីឡាករ Peter Etebo និង Henry Onyekuru ហើយ១គ្រាប់របស់លីបេរីយ៉ាធ្វីបានពីខ្សែប្រយុទ្ធ Kpah Sherman ដោយបាល់ប៉េណាល់ទី៕

George Weah threatened the Super Eagles players this afternoon that he will play today and show them skills. Looks like he meant it pic.twitter.com/3u6VCRSqsR
— china acheru (@Ikwerreman) September 11, 2018