Golovkin ចាញ់ Alvarez ក្នុងជំនួបជម្រះបញ្ជី និងចង់សងសឹកក្នុងជំនួបលើកទី៣

កីឡាអន្តរជាតិ

អន្តរជាតិ

Golovkin ចាញ់ Alvarez ក្នុងជំនួបជម្រះបញ្ជី និងចង់សងសឹកក្នុងជំនួបលើកទី៣

17, Sep 2018 , 10:39 pm

រូបភាព

ដោយ: ទេព ពិទូរ្យ

Canelo Alvarez ជាអ្នកគ្រោងខ្សែក្រវ៉ាត់ពិភពលោក WBC និង WBA ដោយការឈ្នះកីឡាករ Gennady Golovkin ក្នុងជំនួបកាត់សេចក្តីដើម្បីដឹងសខ្មៅលើកទី២នៅសង្វៀន T-Mobile Arena ក្នុងក្រុង Las Vegas រដ្ឋ Nevada សហរដ្ឋអាមេរិក នៅថ្ងៃទី១៦ ខែកញ្ញា ឆ្នាំ២០១៨។

អត្ថបទទាក់ទង

Golovkin ថាជំនួបលើកទី២ទល់នឹង Alvarez ជាការប្រយុទ្ធធំផុតក្នុងអាជីពប្រដាល់

Golovkin-Alvarez ត្រូវជម្រះបញ្ជីគ្នាក្នុងជំនួបលើកទី២ បន្ទាប់ពីមិនអស់ចិត្តរៀងខ្លួននៅជំនួបដំបូង

កំពូលអ្នកប្រដាល់ម៉ិកស៊ិក Saul Canelo Alvarez បានយកឈ្នះពិន្ទុដោយមិនឯកច្ឆន្ទដោយនាំមុខពិន្ទុនៅប៉ុន្មានទឹកចុងក្រោយ ១១៤-១១៤ ១១៥-១១៣ និង ១១៥-១១៣ លើអ្នកប្រដាល់កាហ្សាក់ស្ថាន Golovkin ដែលធ្វើបានល្អជាងនៅទឹកដំបូងក្រោយបញ្ចប់ការប្រកួតពេញទាំង១២ទឹក។

នេះជាជំនួបលើកទី២ហើយរវាងអ្នកទាំងពីក្រោយមិនអស់ចិត្តរៀងខ្លួននាការប្រកួតលើកដំបូងកាលពីខែកញ្ញា ឆ្នាំ២០១៧នៅសង្វៀនដដែលនេះ ដោយទទួលលទ្ធផលត្រឹមស្មើគ្នា។

Gennady Gennadyevich Golovkin ឬ GGG វ័យ៣៦ឆ្នាំ ទើបស្គាល់បរាជ័យជាលើកដំបូងក្នុងអាជីពប្រដាល់របស់គេសម្រាប់ការប្រកួតលើកទី៤០នេះ ក្រោមថ្វៃដីគូប្រជែងដ៏ស្វិតស្វាញ Alvarez វ័យ២៨ឆ្នាំដែលធ្លាប់មានប្រវត្តិប្រកួត៥៣លើកទាំងលើកនេះ ក្នុងនោះឈ្នះ៥០ដង ស្មើ២ និងចាញ់១លើក។

Alvarez ដែលធ្លាប់បានឈ្នះខ្សែពិភពលោកទម្ងន់មធ្យមបានសារភាពនៅពេលបញ្ចប់ការប្រកួតថា៖«អ្នកឲ្យទឹករបស់ខ្ញុំបានប្រាប់ខ្ញុំថាខ្ញុំត្រូវតែឈ្នះនៅទឹកចុងក្រោយហើយនោះជាអ្វីដែលខ្ញុំធ្វើបាន»។

ដោយឡែក GGG វិញក៏បានប្រាប់អ្នកព័ត៌មានដែរថា៖«ខ្ញុំមិននិយាយថាតើនរណាសមនឹងឈ្នះនៅរាត្រីនេះទេព្រោះជ័យជម្នះនេះបានធ្លាក់ទៅ Alvarez ពីសំណាក់ចៅក្រម។ ខ្ញុំគិតថាខ្ញុំវាយបានល្អប្រជាងអ្វីដែល Alvarez បានធ្វើ។ យើងចង់ឲ្យមានការប្រកួតទី៣ យើងនឹងចរចានៅពេលក្រោយ ហើយនោះជាអ្វីដែលយើងចង់បាន»៕