CDC បាន​ឲ្យ​ដឹងថា ក្រុមហ៊ុន​ទាំង​៦​នោះ មាន​ក្រុមហ៊ុន DE XIANG GARMENT និង​ក្រុមហ៊ុន YANXIN THREAD LACE មាន​ទីតាំងនៅ​ខណ្ឌ​ពោធិ៍​ជ័យ រាជធានី​ភ្នំពេញ​។ ដោយ​ក្រុមហ៊ុន DE XIANG GARMENT គ្រោង​បង្កើត​រោងចក្រ​កាត់ដេរ  សម្លៀកបំពាក់​។ ក្រុមហ៊ុន YANXIN THREAD LACE គម្រោង​បង្កើត​រោងចក្រ​ខារ​អំបោះ ផលិត​ខ្សែ​ស្បែកជើង និង​គ្រឿង​បន្សំ​ស្បែកជើង​។ ក្រុមហ៊ុន​ទាំង​២​នេះ  មាន​ទុនវិនិយោគ​ជាង​៦​លាន​ដុល្លរ ដោយ​អាចបង្កើត​ការងារ​បាន​ជាង​១​ពាន់​កន្លែង​។ 

 

​ក្រុមហ៊ុន HIGH HOPE (CAMBODIA) APPAREL MANUFACTURING និង​ក្រុមហ៊ុន AYC GARMENT FACTORY គ្រោង​បង្កើត​រោងចក្រ​កាត់ដេរ​សម្លៀកបំពាក់ នៅក្នុង​ស្រុក​អង្គស្នួល ខេត្តកណ្តាល ដោយមាន​ទុនវិនិយោគ​៨,៥៦​លាន​ដុល្លារ និង​អាចបង្កើត​ការងារ​បាន​២​ពាន់​កន្លែង​។​

 

​ក្រុមហ៊ុន FENGFAN(CAMBODIA) គ្រោង​បង្កើត​រោងចក្រ​កាត់ដេរ​សម្លៀកបំពាក់ នៅ​ភូមិ​កណ្តឹង​ធំ ឃុំ​កណ្តឹង ស្រុក​បាទី ខេត្តតាកែវ មាន​ទុនវិនិយោគ​ប្រមាណ ៧,០៥​លាន​ដុល្លារ និង​បង្កើត​ការងារ​បាន​ជាង​៣​ពាន់​កន្លែង​។​

 

​ដោយឡែក​ក្រុមហ៊ុន GOODNEWS PACKAGING TECHNOLOGY គ្រោង​បង្កើត​រោងចក្រផលិត​គ្រឿង​បន្សំ​ស្បែកជើង កាបូប និង​សម្លៀកបំពាក់ នៅ​ស្រុក​គងពិសី ខេត្តកំពង់ស្ពឺ មាន​ទុនវិនិយោគ​៦,១០​លាន​ដុល្លារ ដោយ​អាចបង្កើត​ការងារ​បាន​២៧០​កន្លែង​។ នេះ​បើតាម​CDC៕

 

​