អត្ថបទពាណិជ្ជកម្ម
ក្រុមហ៊ុនព្រូដិនសល ផ្តើមអនុវត្តកម្មវិធីវិធានការសុវត្ថិភាពសង្គ្រោះបឋម ដើម្បីរួមចំណែកសង្គ្រោះជីវិតពលរដ្ឋក្នុងសហគមន៍
×![]()
មូលនិធិព្រូដិនស៍ ដែលជាមូលនិធិអភិវឌ្ឍន៍សហគមន៍ប្រចាំតំបន់ របស់សាជីវកម្មព្រូដិនសលអាស៊ី សហការជាមួយកាកបាទក្រហមកម្ពុជា បានរៀបចំ«ទិវាពិភពលោកសង្គ្រោះបឋម» នៅថ្ងៃទី១៩ ខែកញ្ញានេះ ក្នុងឃុំស្រង់ ស្រុកគងពិសី ខេត្តកំពង់ស្ពឺ។ កម្មវិធីនេះមានអ្នកចូលរួមសរុប ៣៥០នាក់។ ជាមួយគ្នានេះ មូលនិធិព្រូដិនស៍ ក៏បានសម្ពោធ«កម្មវិធីវិធានការសុវត្ថិភាពសង្គ្រោះបឋម» ក្នុងប្រទេសកម្ពុជាផងដែរ ដោយមានការគាំទ្រពីកាកបាទក្រហមកម្ពុជា។
កម្មវិធីវិធានការសុវត្ថិភាពសង្គ្រោះបឋមនេះ បង្កើតឡើងក្នុងបំណងជួយសង្គ្រោះជីវិត និងកាត់បន្ថយហានិភ័យគ្រោះអាសន្នក្នុងសហគមន៍ ខណៈដែលនៅជុំវិញពិភពលោកមានមនុស្សប្រមាណ១៦,០០០នាក់ស្លាប់ដោយសារការរងរបួសជារៀងរាល់ថ្ងៃ ខណៈជនរងគ្រោះរាប់ពាន់នាក់ផ្សេងទៀត បានបាត់បង់សមត្ថភាពជាអចិន្ត្រៃយ៍ ក្រោយពេលរងផលប៉ះពាល់ពីរបួសនោះ។
ដើម្បីជួយដោះស្រាយបញ្ហានេះ មូលនិធិព្រូដិនស៍ តាមរយៈការគាំទ្រពេញទំហឹងពីក្រុមហ៊ុនព្រូដិនសលកម្ពុជា មានបំណងផ្ដល់ជំនាញសង្គ្រោះជីវិតដល់ប្រជាពលរដ្ឋខ្មែរ ដោយផ្ដល់លទ្ធភាពឱ្យពួកគាត់ អាចជួយដល់ក្រុមគ្រួសារ មិត្តភកិ្ត ឬសហគមន៍របស់ពួកគេក្នុងគ្រាអាសន្នបាន។
ក្នុងពិធីនេះក្រុមការងារស្ម័គ្រចិត្តរបស់ក្រុមហ៊ុនព្រូដិនសលកម្ពុជា បានចែកផ្ទាំងរូបភាព និងខិត្តបណ្ណចំនួន ៦០០សន្លឹក ដល់អ្នកចូលរួមដែលជាយុវជនអ្នកស្ម័គ្រចិត្តកាកបាទក្រហមកម្ពុជា សិស្សានុសិស្ស អាជ្ញាធរដែនដី ប្រជាការពារ និងប្រជាជនក្នុងសហគម ដើម្បីផ្តល់នូវចំណេះដឹងមូលដ្ឋានវិជ្ជាសង្គ្រោះបឋម សម្រាប់ជួយខ្លួនឯងផ្ទាល់ សមាជិកក្នុងក្រុមគ្រួសារ និងសហគមន៍ក្នុងពេលមានគ្រោះថ្នាក់កើតឡើង មុនពេលរថយន្តសង្គ្រោះបន្ទាន់មកដល់ ឬមុនបញ្ជូនទៅមន្ទីរពេទ្យ។
ព័ត៌មានទាក់ទងនឹងការសង្គ្រោះបឋមនេះ នឹងត្រូវបានផ្សព្វផ្សាយទូទាំងប្រទេសកម្ពុជា តាមរយៈបណ្តាញព័ត៌មានសង្គម ក្នុងព្រឹត្ដិការណ៍នានា និងកម្មវិធីទូរទស្សន៍ ដើម្បីឱ្យប្រជាពលរដ្ឋខ្មែរមានជំនាញផ្នែកសង្គ្រោះបឋមនេះ។ បើតាម លោក ថាវរិទ្ធ កម្មវិធីជំហានសុវត្ថិភាពសង្គ្រោះបឋម គឺបង្កើតឡើង ក្នុងន័យផ្ដល់ចំណេះដឹងមូលដ្ឋាន អំពីការសង្គ្រោះបឋមដល់សាធារណជន ដើម្បីឱ្យពួកគាត់ មានសមត្ថភាពកាត់បន្ថយភាពងាយរងគ្រោះ ក្នុងពេលមានគ្រោះអាសន្ន និងអាចត្រៀមលក្ខណៈសង្គ្រោះជីវិត ក្នុងករណីអាសន្នកើតឡើង។
នៅក្នុងទិវាសង្គ្រោះបឋមពិភពលោកនោះដែរ កាកបាទក្រហមកម្ពុជា បានបង្ហាញពីជំនាញ សង្គ្រោះបឋមចំនួន៣យ៉ាង និងវិធីសាស្ត្រសង្គ្រោះតាមជំហ៊ាននីមួយៗ។ អ្នកចូលរួមបានរៀនសូត្រពីរបៀបអនុវត្ដវិធីសាស្ត្រសង្គ្រោះបឋម ចំពោះជនរងគ្រោះ ដែលរងរបួសពីការបាក់ឆ្អឹង របួសដាច់សាច់ និងការរលាក។
លោកស្រី សៅ ស៊ីវន អ្នកស្ម័គ្រចិត្តរបស់កាកបាទក្រហមកម្ពុជា ដែលបានចូលរួមក្នុងព្រឹត្តិការណ៍នោះ បានថ្លែងថាកម្មវិធីសង្គ្រោះបឋមនេះ គឺជាគំនិតផ្ដួចផ្ដើមមួយយ៉ាងល្អ ដោយសារកម្មវិធីនេះផ្ដល់គន្លឹះក្នុងការសង្គ្រោះជីវិត ដើម្បីជួយឱ្យប្រជាពលរដ្ឋចេះគ្រប់គ្រងក្នុងស្ថានភាពអាសន្ន រួមមានការជួយជនរងគ្រោះដែលរបួសមុននឹងបញ្ជូនទៅមន្ទីរពេទ្យ។ លោកស្រី សៅ ស៊ីវន បន្តដូច្នេះ៖«ខ្ញុំជឿថា ប្រជាពលរដ្ឋកាន់តែច្រើននៅទូទាំងប្រទេស នឹងយល់ដឹងបានច្រើនពីវិធី សង្គ្រោះបឋម និងការត្រៀមលក្ខណៈក្នុងគ្រាអាសន្ន តាមរយៈខិតបណ្ណសង្គ្រោះបឋម ដែលចែកជូនដោយក្រុមហ៊ុនព្រូដិនសលកម្ពុជា។ ដូច្នេះសហគមន៍របស់យើង កាន់តែមានសុវត្ថិភាព និងសុខសាន្តជាងមុន»។
ក្រុមហ៊ុនព្រូដិនសលកម្ពុជា មានមោទកភាព ក្នុងការគាំទ្រដល់កិច្ចខិតខំប្រឹងប្រែងនានា ដើម្បីការពារសុវត្ថិភាពប្រជាពលរដ្ឋនៅទូទាំងប្រទេសកម្ពុជា រួមមានការអប់រំសុវត្ថិភាពចរាចរណ៍ផ្លូវគោកតាមរយៈកម្មវិធីវិធានការសុវត្ថិភាពចរាចរណ៍ផ្លូវគោក និងកម្មវិធីវិធានការសុវត្ថិភាពគ្រោះមហន្តរាយធម្មជាតិជាដើម។ កម្មវិធីវិធានការសុវត្ថិភាព គឺជាផ្នែកមួយនៃការខិតខំប្រឹងប្រែងរបស់ក្រុមហ៊ុនព្រូដិនសល នៅក្នុងវិស័យអប់រំនៅទូទាំងប្រទេសកម្ពុជា ក្នុងនោះរួមមានកម្មវិធីអំណានដំបូង កម្មវិធីអប់រំផ្នែកហិរញ្ញវត្ថុ និងកម្មវិធីតន្ត្រីជាដើម៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
