នាយករងសាលាជំនាន់ថ្មី៖ «សាលាជំនាន់ថ្មី ជាសាលាដែលអប់រំបែបសតវត្សរ៍ទី២១»

ជាតិ

នាយករងសាលាជំនាន់ថ្មី៖ «សាលាជំនាន់ថ្មី ជាសាលាដែលអប់រំបែបសតវត្សរ៍ទី២១»

19, Sep 2018 , 9:39 pm

រូបភាព

ដោយ: ញឹក ស្រីល័ក្ខ (Nhek Sreyleak)

ភ្នំពេញ៖ សាលាជំនាន់ថ្មី ជាសាលាមួយដែលក្រសួងអប់រំ យុវជន និងកីឡា បានដាក់ចូលក្នុងកម្មវិធីសាកល្បង ដើម្បីពង្រឹងការអប់រំ ជាពិសេសផ្ដោតសំខាន់ទៅលើកម្មវិធីសិក្សា STEM។ លោក សម្យ កំសាន្ត នាយករងសាលាជំនាន់ថ្មី នៃវិទ្យាល័យព្រះស៊ីសុវត្ថិ បានលើកឡើងថា៖ «សាលាជំនាន់ថ្មី ជាកម្មវិធីកំណែទម្រង់របស់ក្រសួងអប់រំ ក្នុងការអភិវឌ្ឍផ្នែកវិទ្យាសាស្ត្រដល់សិស្សានុសិស្ស។

ហើយសាលានេះ អប់រំតាមបែបសតវត្សរ៍ទី២១»។ នាយករងរូបនេះ បន្ថែមថា សាលានេះ ផ្ដោតលើការសិក្សាតាមបែបស្រាវជ្រាវ និងការសិក្សាលើគម្រោងនានា។

លោក សម្យ កំសាន្ត នាយករងសាលាជំនាន់ថ្មី នៃវិទ្យាល័យព្រះស៊ីសុវត្ថិ បានប្រាប់ឲ្យដឹងថា សាលាជំនាន់ថ្មីនេះ មានការគ្រប់គ្រងតឹងរឹង ដែលផ្ដោតលើកម្រិតវិន័យ និងវិជ្ជាជីវៈគ្រូបង្រៀនជាដើម។ ម្យ៉ាងទៀត សាលានេះ បង្រៀនសិស្សពីចរិយាសម្បទា បំណិនសម្បទា វិជ្ជាសម្បទាផងដែរ។ ថាតើសាលាជំនាន់ថ្មីជាអ្វី ហើយបង្រៀនផ្ដោតលើអ្វីខ្លះ?

សូមអញ្ជើញស្ដាប់កិច្ចសម្ភាសរវាងកញ្ញា ញឹក ស្រីល័ក្ខ អ្នកយកព័ត៌មាននៃសារព័ត៌មានថ្មីៗ ជាមួយលោក សម្យ កំសាន្ត នាយករងសាលាជំនាន់ថ្មី នៃវិទ្យាល័យព្រះស៊ីសុវត្ថិដូចតទៅ៖

សូមបញ្ជាក់ថា សាលារៀនជំនាន់ថ្មី (NGS) ជាកម្មវិធីកំណែទម្រង់ប្រព័ន្ធអប់រំរបស់ក្រសួងអប់រំ យុវជន និងកីឡា។ សាលាជំនាន់ថ្មីនេះ មានគោលបំណងបង្កើតសាលារដ្ឋដែលរក្សាបាននូវស្តង់ដានៃការអប់រំបានខ្ពង់ខ្ពស់បំផុតតាមរយៈការវិនិយោគថវិកា