អត្ថបទពាណិជ្ជកម្ម
អ្នកម្តាយគ្រប់រូបកុំភ្លេចចូលរួមពិព័រណ៍ម្សៅទឹកដោះគោ នៅចុងខែកញ្ញានេះ
× នៅថ្ងៃទី២៩ និងទី៣០ ខែកញ្ញានេះ ពិព័រណ៍ម្សៅទឹកដោះគោ នឹងត្រូវរៀបចំឡើងនៅហាងទំនិញកុមារ បេប៊ី អោតឡេត សាខាវិមានឯករាជ្យ។ ពិព័រណ៍ពិព័រណ៍ម្សៅទឹកដោះគោនេះ រៀបចំឡើងបើកឲ្យមានការចូលរួមដោយសេរី ដើម្បីផ្តល់ឱកាសឲ្យអាណាព្យាបាល ជាពិសេសអ្នកម្តាយគ្រប់រូប បានស្វែងយល់បន្ថែមទៀតគុណភាព និងគុណសម្បត្តិ របស់ប្រភេទម្សៅទឹកដោះគោនីមួយៗ ដែលកំពុងមានវត្តមាននៅលើទីផ្សារប្រទេសកម្ពុជា។
លោក កែវ ឡង់ឌី អគ្គនាយកអភិវឌ្ឍន៍ធុរកិច្ច នៃហាងលក់ទំនិញកុមារ Baby outlet បានគូសបញ្ជាក់ថា ការបំបៅកូនដោយទឹកដោះនៅតែអាទិភាពចាំបាច់បំផុតសម្រាប់អ្នកម្តាយគ្រប់រូប ព្រោះទឹកដោះម្តាយមានផ្ទុកសារធាតុចិញ្ចឹមយ៉ាងច្រើន ដែលមានអត្ថប្រយោជន៍ខ្លាំងដល់ការលូតលាត់របស់កូនៗ។ ប៉ុន្តែដោយសារសេដ្ឋកិច្ចរីកចម្រើន ហើយអ្នកម្តាយសម័យបច្ចុប្បន្ន កាន់តែមមមាញឹកទៅៗ នឹងការបំពេញការងារ ដូច្នេះពួកគាត់តែងតែត្រូវការជំនួយបន្ថែម ពីម្សៅទឹកដោះគោ សម្រាប់បំបៅកូនរបស់ពួកគាត់ ហើយក៏ជាហេតុផលដែលបេប៊ីអោតឡេត រៀបចំពិព័រណ៍ម្សៅទឹកដោះគោនេះឡើង។ នេះបើតាមលោក កែវ ឡង់ឌី។
អគ្គនាយកអភិវឌ្ឍន៍ធុរកិច្ច នៃហាងលក់ទំនិញកុមារ Baby outletដដែល បន្ថែមថា ពិព័រណ៍នេះ នឹងផ្តល់ឱកាសឲ្យក្រុមហ៊ុនម្សៅទឹកដោះគោ បានពន្យល់ពីលក្ខណៈពិសេស និងគុណភាពម្សៅទឹកដោះគោរបស់ខ្លួន ទៅដល់អ្នកម្តាយគ្រប់រូប និងកាន់តែពិសេស គឺលោកឪពុក អ្នកម្តាយ នឹងបានដឹងកាន់តែច្បាស់ ថាតើម្សៅទឹកដោះគោប្រភេទដែលល្អ ស័ក្តិសមនឹងកូនៗរបស់ខ្លួន។ លោក កែវ ឡង់ឌី បញ្ជាក់ថា៖«ដោយសារមានអាណាព្យាបាលដែលមានកូនតូចៗជាច្រើន មានក្តីកង្វល់ពីការជ្រើសរើសទឹកដោះគោ ឬសម្ភារកុមារដែលមានគុណភាពល្អសម្រាប់កូនៗរបស់ពួកគាត់ ដូច្នេះមាតាបិតាពិព័រណ៍នេះ នឹងក្លាយជាវេទិកាឲ្យពួកគាត់មានឱកាសបានស្វែងយល់កាន់ច្បាស់ និងស្រួលក្នុងការជ្រើសរើសផលិតដែលល្អសម្រាប់កូនៗ»។
សូមបញ្ជាក់ថា អ្នកម្តាយ មាតាបិតា ឬអាណាព្យបាលដែលចូលរួមក្នុងពិព័រណ៍នេះ នឹងទទួលបានការប្រឹក្សាយោបល់ពីអ្នកជំនាញ និងទទួលបានការបញ្ចុះតម្លៃពិសេសផងដែរពីបណ្តាក្រុមហ៊ុនម្សៅទឹកដោះគោដែលនឹងមកចែករំលែកព័ត៌មាននានា នៅក្នុងពិព័រណ៍នេះ។
ដូច្នេះអ្នកម្តាយ លោកឪពុកគ្រប់រូប សូមចូលរួមទាំងអស់គ្នាណា នៅថ្ងៃទី ២៩ និងទី៣០ ខែកញ្ញានេះ នៅហាងទំនិញកុមារ បេប៊ី អោតឡេត សាខាវិមានឯករាជ្យ។
សូមបញ្ជាក់ថា ឥឡូវនេះ លោកអ្នកក៏អាចស្វែងរកទិញទំនិញពីហាងបេប៊ី អោតឡេតបានពីគ្រប់កន្លែង គ្រប់ពេលវេលាបានផងដែរ តាមរយៈគេហទំព័ររបស់បេប៊ីអោតឡេត គឺ
www.bbocambodia.com ។ ព័ត៌មានបន្ថែមសូមទាក់ទងលេខទូរសព្ទ 017 887 746/017 222 978 និង 016 789 669 ៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com