ជាតិ
សេដ្ឋកិច្ច
កម្ពុជាទទួលបានភ្ញៀវទេសចរអន្តរជាតិជាង៣,៤លាននាក់ ក្នុងរយៈពេល៧ខែឆ្នាំ២០១៨
×![]()
ភ្ញៀវទេសចរអន្តរជាតិដែលមកទស្សនាកម្ពុជាគិតចាប់ពីខែមករា ដល់ខែកក្កដា ឆ្នាំ២១០៨ មានចំនួន ៣,៤៥៥,៧១៦នាក់ កើនឡើង១១.១ភាគរយធៀបនឹងរយៈពេលដូចគ្នាឆ្នាំ២០១៧។ តួលេខនេះ បានបង្ហាញដោយលោក ថោង ខុន រដ្ឋមន្ត្រីក្រសួងទេសចរណ៍។
ថ្លែងក្នុងកិច្ចប្រជុំបូកសរុបការងាររយៈពេល៩ខែ ឆ្នាំ២០១៨ កាលពីថ្ងៃទី១៤ ខែកញ្ញា នៅទីស្តីការក្រសួង លោក ថោង ខុន បានបន្តថា ចំនួនភ្ញៀវទេសចរអន្តរជាតិសរុបខាងលើ ដែលបានមកទស្សនានៅកម្ពុជា មានជាង១,៥លាននាក់ ទៅទស្សនាតំបន់សៀមរាបអង្គរ ទេសចរអន្តរជាតិជិត២លាននាក់ ទៅទស្សនាទីក្រុងភ្នំពេញ។ ភ្ញៀវទេសចរអន្តរជាតិជិត៥,៩ម៉ឺននាក់ ទៅតំបន់ឆ្នេរសមុទ្រ និងទេសចរអន្តរជាតិជិត ៤,៨ពាន់នាក់ ទៅទស្សនាតំបន់អេកូទេសចរណ៍ភូមិភាគឦសាន្ត។
រីឯទេសចរកម្ពុជាដែលចេញទៅក្រៅប្រទេស ក្នុងរយៈពេល៧ខែ ឆ្នាំ២០១៨ មានចំនួនជាង១,១លាននាក់ កើនឡើង ១០.៦ភាគរយ ធៀបនឹងរយៈពេលដូចគ្នាឆ្នាំ២០១៧។
សម្រាប់ឆ្នាំ២០១៨នេះ កម្ពុជាគ្រោងនឹងទទួលទេសចរអន្តរជាតិប្រមាណ ៦.២លាននាក់។ ឆ្នាំ២០២០ កម្ពុជាគ្រោងនឹងទទួលទេសចរអន្តរជាតិ ៧លាននាក់ ជាមួយនឹងចំណូលទេសចរណ៍ប្រមាណ ៥ពាន់លានដុល្លារ និងបង្កើតការងារ-មុខរបរដោយផ្ទាល់ជិត ១លាននាក់។ ឆ្នាំ២០២៥ កម្ពុជាគ្រោងនឹងទទួលទេសចរអន្តរជាតិ១០លាននាក់។ ឆ្នាំ២០៣០ កម្ពុជាគ្រោងនឹងទទួលទេសចរអន្តរជាតិ១៤លាននាក់៕
Tag:
ទេសចរណ៍
© រក្សាសិទ្ធិដោយ thmeythmey.com
