កីឡាអន្តរជាតិ
អន្តរជាតិ
Man Utd រំពឹងបានចំណូលខ្ពស់នៅឆ្នាំ២០១៩ ទោះទើបរកបានតិចតួចនៅចុងឆ្នាំ២០១៨ក៏ដោយ
× ក្លិប Manchester United បានព្យាករណ៍ទុកថាប្រាក់ចំណូលរបស់ពួកគេនឹងកើនឡើងជាបន្តបន្ទាប់សម្រាប់ឆ្នាំ ២០១៩ បើទោះបីជាក្រុមហ៊ុនបានរាយការណ៍ពីលទ្ធផលចំណូលទាបសម្រាប់ត្រីមាសទី ៤ នៃឆ្នាំ ២០១៨ នេះក៏ដោយ។
បើតាមការផ្សាយរបស់ទីភ្នាក់ងារព័ត៌មាន Reuters ម្ចាស់ជើងឯកពានលំដាប់កំពូលអង់គ្លេស ២០ សម័យកាលបាននិយាយថាប្រាក់ដែលរកបានមុនពេលគិតលើការប្រាក់ ពន្ធ រំលោះ និងសងបំណុល (EBITDA) សម្រាប់ឆ្នាំ ២០១៩ ត្រូវបានគេរំពឹងថានឹងមានចន្លោះពី ១៧៥ លានផោន (២៣០លានដុល្លារអាមេរិក) ដល់ ១៩០ លានផោន (២៥០លានដុល្លារអាមេរិក)។
រីឯប្រាក់ចំណូលសម្រាប់ឆ្នាំ ២០១៩ ក្លិបដែលមានអ្នកចាត់ការទៅលោក Jose Mourinho រំពឹងថានឹងទទួលបានចន្លោះពី ៦១៥ លានផោន (៨១០លានដុល្លារអាមេរិក) ដល់ ៦៣០ លានផោន (៨២៩លានដុល្លារអាមេរិក)។ នេះបើតាមការបញ្ជាក់របស់ក្លិប។
បើតាមរបាយការណ៍ពីការកែតម្រូវ EBITDA សម្រាប់រដូវកាលមុន ២០១៧-២០១៨ មានចំនួន ១៧៧,១ លានផោន (២៣៣លានដុល្លារ) និងចំណូល ៥៩០ លានផោន (៧៧៧លានដុល្លារ)។
Man Utd បច្ចុប្បន្នស្ថិតនៅលេខរៀងទី៧បណ្តោះអាសន្នក្នុងតារាងចំណាត់ថ្នាក់ Premier League បន្ទាប់ពីប្រកួត៦លើក ឈ្នះ៣ ស្មើ១ និងចាញ់២លើក មាន១០ពិន្ទុ៕
Tag:
បាល់ទាត់
Manchester United
ប្រាក់ចំណូល
© រក្សាសិទ្ធិដោយ thmeythmey.com