ជាតិ
រូបពីហ្វេសប៊ុករដ្ឋបាលខេត្តព្រះសីហនុ
×![]()
ដោយ: ថ្មីៗ
ព្រះសីហនុ៖ បច្ចុប្បន្នខេត្តព្រះសីហនុ កំពុងទាក់ទាញអ្នកវិនិយោគ មកបណ្ដាក់ទុនជាបន្តបន្ទាប់ ដែលមានទំហំទឹកប្រាក់ជាង៩ពាន់លានដុល្លារ លើគម្រោងចំនួន១៣៧។ នេះបើតាមរដ្ឋបាលខេត្តព្រះសីហនុ។
លោក ឈិន សេងងួន អភិបាលខេត្តស្តីទី នៃគណៈអភិបាលខេត្តព្រះសីហនុ បាននិយាយថា ខេត្តព្រះសីហនុ គឺជាបំពង់ករសេដ្ឋកិច្ច និងជាតំបន់សេដ្ឋកិច្ចគំរូពហុបំណងធំជាងគេក្នុងកម្ពុជា តាមរយៈសក្តានុពលរបស់ខេត្តព្រះសីហនុ។
ដោយសារតែខេត្តព្រះសីហនុ កំពុងមានសក្តានុពលពាណិជ្ជកម្មនេះ ទើបធ្វើឲ្យអ្នកវិនិយោគក្រៅប្រទេស មកបណ្ដាក់ទុនជាបន្តបន្ទាប់ នៅតំបន់ខេត្តទេសចរណ៍មួយនេះ។ តាមឥទ្ធិពលនេះ ខេត្តព្រះសីហនុ មានគម្រោងវិនិយោគសរុបចំនួន១៣៧គម្រោង ដែលមានទុនវិនិយោគសរុប៩,៤០៤ លានដុល្លារអាមេរិក។ នេះបើតាមលោក ឈិន សេងងួន។
រដ្ឋបាលខេត្តព្រះសីហនុ បានស្រង់សម្ដីលោក ឈិន សេងងួន ក្នុងជំនួបលោក Ernesto Braam ទីប្រឹក្សាយុទ្ធសាស្ត្រតំបន់អាស៊ីអាគ្នេយ៍ នៃស្ថានទូតហូឡង់ ប្រចាំប្រទេសសឹង្ហបុរី ដូច្នេះថា៖«បច្ចុប្បន្នកំពុងដំណើរការ ៩៥គម្រោង មានទុនវិនិយោគ៦,៧៤៤លានដុល្លាអាមេរិក មិនដំណើរការ ៤២គម្រោង ទុនវិនិយោគសរុប ២.៥៧៤លានដុល្លាអាមេរិក និងលុបចេញ ៣គម្រោង ទុនវិនិយោគ ៨៥,៩៧លានដុល្លាអាមេរិក »។
ខេត្តព្រះសីហនុ កំពុងទាក់ទាញអ្នកវិនិយោគគិន មកវិនិយោគយ៉ាងគំហុករយៈពេល ២ឆ្នាំ ចុងក្រោយនេះ ដែលធ្វើឱ្យកំណើនសេដ្ឋកិច្ច និងជីវភាពរស់នៅរបស់ប្រជាពលរដ្ឋកាន់ តែល្អប្រសើរឡើង ។ នៅពេលខាងមុខ ខេត្តព្រះសីហនុ នឹងក្លាយជាគោលដៅទេសចរណ៍ វិនិយោគយ៉ាងមមាញឹកជាក់ជាមិនខាន ។ នេះជាការលើកឡើងរបស់លោក Ernesto Braam ទីប្រឹក្សាយុទ្ធសាស្ត្រតំបន់អាស៊ីអាគ្នេយ៍ នៃស្ថានទូតហូឡង់ ប្រចាំប្រទេសសឹង្ហបុរី ។
គួរបញ្ជាក់ថា បច្ចុប្បន្នខេត្តព្រះសីហនុ កំពុងទទួលបានអ្នកវិនិយោគ ដែលភាគច្រើនជាក្រុមហ៊ុនចិន៕
Tag:
ឈិន សេងងួន
ព្រះសីហនុ
© រក្សាសិទ្ធិដោយ thmeythmey.com
