ជាតិ
×![]()
ដោយ: ភួង វ៉ាន់ថា
ភ្នំពេញ៖ ក្រសួងសង្គមកិច្ច អតីតយុទ្ធជន និងយុវនីតិសម្បទា អង្គការយូនីសេហ្វ និងអង្គការសុខភាពពិភពលោក នឹងរៀបចំសន្និសីទថ្នាក់តំបន់ស្តីពីការអនុវត្តយុទ្ធសាស្ត្រដើម្បីបញ្ចប់អំពើហិង្សាលើកុមារ។ វេទិកាពិគ្រោះយោបល់នេះមានរយៈពេល៣ថ្ងៃ ពីថ្ងៃទី៣០ ខែតុលា ដល់ថ្ងៃទី០១ ខែវិច្ឆិកា ឆ្នាំ២០១៨ នៅសណ្ឋាគារកាំបូឌីយ៉ាណា។
វេទិកានេះនឹងមានការចូលរួមពីសំណាក់មន្ត្រីជាន់ខ្ពស់មកពីស្ថាប័នជាច្រើន និងអ្នកជំនាញផ្នែកកិច្ចការពារមកពី២១ប្រទេស ដែលនឹងមកពិភាក្សា និងដាក់ចេញនូវសកម្មភាពអាទិភាពនានា ដើម្បីឆ្លើយតបនឹងអំពើហិង្សាលើកុមារនៅក្នុងតំបន់អាស៊ី និងប៉ាស៊ីហ្វិក។
នៅក្នុងតំបន់អាស៊ី យ៉ាងហោចណាស់មានកុមារ ៥០ភាគរយ បានរងគ្រោះពីអំពើហិង្សាកាលពីឆ្នាំមុន។ នៅក្នុងពិភពលោក យ៉ាងហោចណាស់មានកុមារ ១ពាន់លាននាក់ បានរងគ្រោះដោយអំពើហិង្សាពីបុគ្គលដទៃនៅក្នុងច្រើនទម្រង់ជារៀងរាល់ឆ្នាំ។
ដើម្បីឆ្លើយតបនឹងបញ្ហានេះ សហគមន៍អន្តរជាតិបានប្តេជ្ញាចិត្ត បញ្ចប់អំពើហិង្សាលើកុមារឲ្យបានត្រឹមឆ្នាំ២០៣០ ដែលជាសកម្មភាពអាទិភាពមួយនៃគោលដៅអភិវឌ្ឍន៍ប្រកបដោយនិរន្តរភាព (SDGs)៕
Tag:
សិទ្ធិកុមា
កម្ពុជា
© រក្សាសិទ្ធិដោយ thmeythmey.com
