ជាតិ
សេដ្ឋកិច្ច
ចិននឹងជួយអភិវឌ្ឍវិស័យកសិកម្មកម្ពុជា រយៈពេល៥ឆ្នាំ
× ភ្នំពេញ៖ ចិន នឹងជួយអភិវឌ្ឍវិស័យកសិកម្មកម្ពុជា រយៈពេល៥ឆ្នាំ ក្នុងកិច្ចព្រមព្រៀងជួយអភិវឌ្ឍវិស័យមួយនេះ ឲ្យដំណើរការប្រកបដោយនិរន្តរភាព។ កម្ពុជា និងចិនបានចុះអនុស្សរណៈនៃការយោគយល់គ្នា ផ្តោតលើការបណ្តុះបណ្តាលលើវិស័យកសិកម្មដល់កសិករ កាលពីថ្ងៃទី៣០ ខែតុលា ។ រយៈពេល៥ឆ្នាំ ដើម្បីជួយអភិវឌ្ឍវិស័យកសិកម្មប្រកបដោយនិរន្តរភាព។ នេះបើតាមហ្វេសប៊ុកក្រសួងការងារ និងបណ្តុះបណ្តាលវិជ្ជាជីវៈ។
តាមរយៈអនុស្សរណៈយោគយល់ ភាគីចិននឹងផ្ដល់វគ្គបណ្ដុះបណ្ដាលមួយចំនួន រួមមាន៖ការផ្លាស់ប្តូរសម្ភារសិក្សាស្រាវជ្រាវ ឯកសារ និងព័ត៌មានពាក់ព័ន្ធ, កម្មវិធីផ្លាស់ប្តូរគ្រូ និងអ្នកបច្ចេកទេស និងអ្នកវិទ្យាសាស្ត្រ, វគ្គបណ្តុះបណ្តាលរួមគ្នាសម្រាប់អ្នកគ្រប់គ្រង់ជាន់ខ្ពស់ និងមន្ត្រីបច្ចេកទេសនៃក្រសួងការងារ និងបណ្តុះបណ្តាលវិជ្ជាជីវៈ និងការបណ្តុះបណ្តាលពីចម្ងាយ (Web distance training) ដែលគាំទ្រដោយអង្គការCATAS។
រដ្ឋមន្ត្រីក្រសួងការងារ លោក អ៊ិត សំហេង បាននិយាយថា ៖« វាជាការរួមចំណែកកាន់តែជ្រាលជ្រៅ លើកិច្ចសហប្រតិបត្តិការរវាកម្ពុជា-ចិន កាន់តែមានការរីកចម្រើនទៅមុខជាបន្តបន្ទាប់ ដែលថ្នាក់ដឹកនាំយើងទាំងពីរចាត់ទុកថាជាយុទ្ធសាស្ត្រដែកថែប»។
CATASគឺជាវិទ្យាស្ថានស្រាវជ្រាវតំបន់ត្រូពិចនៃប្រទេសចិន ឈរលើលំដាប់ថ្នាក់ធំជាងគេនៅចិន ដែលទទួលការសិក្សាស្រាវជ្រាវលើវិស័យកសិកម្ម និងជំនាញបច្ចេកទេសផ្សេងៗដែលទាក់ទងផ្នែកកសិកម្មដោយមានវិទ្យាស្ថាន ក្រោមអង្គការ ចំនួន១៣វិទ្យាស្ថានលើជំនាញខុសៗគ្នា។
មូលហេតុភាគីចិនចុះហត្ថលេខាជាមួយក្រសួងការងារ ដោយសារកម្ពុជាមានសាលាជាច្រើន ផ្ដោតលើការបណ្តុះបណ្តាលធនធានមនុស្សគ្របដណ្តប់នៅទូទាំងប្រទេស។ នេះបើតាមលោក ឡៅ ហ៊ីម អគ្គនាយកនៃអគ្គនាយកដ្ឋានអប់រំបណ្តុះបណ្តាលបច្ចេកទេស និងវិជ្ជាជីវៈ នៃក្រសួងការងារ និងបណ្តុះបណ្តាលវិជ្ជាជីវៈ ៕
Tag:
កសិកម្ម
សេដ្ឋកិច្ច
© រក្សាសិទ្ធិដោយ thmeythmey.com