ក្រុមហ៊ុនចិនមួយ បោះទុនវិនិយោគជិត៧០លានដុល្លារ បើកអាជីវកម្មសណ្ឋាគារផ្កាយ៥ នៅព្រះសីហនុ

ជាតិ

ក្រុមហ៊ុនចិនមួយ បោះទុនវិនិយោគជិត៧០លានដុល្លារ បើកអាជីវកម្មសណ្ឋាគារផ្កាយ៥ នៅព្រះសីហនុ

02, Nov 2018 , 4:59 pm

រូបភាព

រូបភាពបានពី CDC

ដោយ: អ៊ូ សុខមាន (OU Sokmean)

ភ្នំពេញ៖ ក្រុមហ៊ុន LING XIU INT’L CO.,LTD ត្រូវបានគណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជា(CDC)សម្រេចចេញវិញ្ញាបនប័ត្រចុះបញ្ជីជាស្ថាពរ លើគម្រោងសាងសង់ និងអាជីវកម្មសណ្ឋាគារថ្នាក់ផ្កាយ៥ នៅខេត្តព្រះសីហនុ។

យោងតាមសេចក្តីប្រកាសព័ត៌មាន របស់CDC ថ្ងៃទី២ វិច្ជិកា ឆ្នាំ២០១៨ គម្រោងសាងសង់ និងអាជីវកម្មសណ្ឋាគារថ្នាក់ផ្កាយ៥ នេះ មានទុនវិនិយោគជិត៦៩លានដុល្លារអាមេរិក ដែលមានទីតាំងនៅភូមិ៦ សង្កាត់លេខ៤ ក្រុងព្រះសីហនុ ដោយអាចបង្កើតការងារបាន ១៣៣កន្លែង។ សណ្ឋាគារនេះ មានជាង៤០០បន្ទប់។

បច្ចុប្បន្ន ខេត្តព្រះសីហនុ មានសណ្ឋាគារសរុប ៨៣កន្លែង។ ក្នុងនោះមាន ៥កន្លែងជាសណ្ឋាគារលំដាប់ផ្កាយ៥ ដែលកាន់កាប់ដោយជនជាតិចិន ៤កន្លែង និង១កន្លែងទៀតកាន់កាប់ដោយជនជាតិអូស្រា្តលី។ នេះបើប្រសាសន៍របស់ លោក តាំង សុចិត្តគ្រឹស្នា ប្រធានមន្ទីរទេសចរណ៍ខេត្តព្រះសីហនុ ប្រាប់សារព័ត៌មានថ្មីៗ តាមទូរសព្ទ នាថ្ងៃទី២វិចិ្ជកានេះ៕