សង្គមអន្តរជាតិ
អន្តរជាតិ
×![]()
ដោយ: ធីតា
អ្នកស្រី Susie Martin ជនជាតិអាមេរិក ដែលបម្រើការឲ្យក្រុមហ៊ុនជំនាញអាកាសធាតុ Praedictix Weather កាលពីពេលថ្មីៗកន្លងមកនេះ បានស្ពាយកូនប្រុសអាយុ១ឆ្នាំនៅពីក្រោយខ្នង នៅពេលដែលគាត់កំពុងរាយការណ៍ព័ត៌មានស្តីពីអាកាសធាតុ។ អ្នកជំនាញរូបនេះ ចង់បង្ហាញគំរូដល់ឪពុកម្តាយទូទៅថា គ្មានអ្វីឧបសគ្គនោះឡើយ ពេលបំពេញការងារ នៅពេលដែលពួកគាត់មានសម្ពាធដាក់កូនដ៏ត្រឹមត្រូវ។
«ខ្ញុំចង់បង្ហាញថា ស្ត្រីអាចបំពេញតួនាទីជាម្តាយបាននៅគ្រប់ទីកន្លែង ដោយគ្មានការរំខាន»។ នេះជាការលើកឡើងរបស់អ្នកស្រី Martin ដែលត្រូវបានដកស្រង់ដោយ ABC News ដោយរូបភាព និងវីដេអូរបស់អ្នកស្រី មានការចូលទស្សនារាប់លានដង អមជាមួយសារគាំទ្រ។
ទោះបីជាយ៉ាងណាក៏ដោយ នេះមិនមែនជាសកម្មភាពប្រចាំថ្ងៃរបស់អ្នកស្រី Martin នោះឡើយ ប៉ុន្តែវាជាផ្នែកមួយនៃការផ្សព្វផ្សាយលើកទឹកចិត្តមាតាបិតា ប្រើប្រាស់សំពាយដាក់កូនពីក្រោយខ្នង នៅពេលដែលពួកគាត់បំពេញការងារ។
«នេះជាសប្តាហ៍នៃស្ពាយកូនតាមខ្លួន ហើយនៅថ្ងៃនេះ ដែរខ្ញុំមានជំនួយការម្នាក់»។ អ្នកស្រី Martin រៀបរាប់យ៉ាងដូច្នេះ ក្នុងកម្មវិធីអាកាសធាតុរបស់ខ្លួន ខណៈដែលកូនប្រុសវ័យ១ឆ្នាំកំពុងលង់លក់ក្នុងដំណេក៕
Tag:
អាកាសធាតុ
© រក្សាសិទ្ធិដោយ thmeythmey.com
