រថយន្ត
អន្តរជាតិ
Google Maps សហការផ្តល់ព័ត៌មានលំអិតទាក់ទងនឹងស្ថានីយ៍បញ្ចូលចរន្តរថយន្តអគ្គិសនី
ស្ថានីយបញ្ចូលចរន្តរថយន្តអគ្គិសនីនៅចិន។ ថតដោយ អ៊ឹង ចំរើន
×![]()
ដោយ: ធីតា
ការស្វែងរកទីតាំងស្ថានីយ៍បញ្ចូលចរន្តរថយន្តអគ្គិសនី (EV Chargers) នៅតាមបណ្តាប្រទេសធំៗ ទំនងជាលែងមានភាពស្មុគស្មាញទៀតហើយ។ ជាទូទៅ អ្នកបើករថយន្តអគ្គិសនី ប្រើប្រាស់ប្រព័ន្ធ Infotainment System ដើម្បីស្វែងរកស្ថានីយ៍សាកចរន្ត ប៉ុន្តែព័ត៌មានមិនត្រូវបានបង្ហាញគ្រប់ជ្រុងជ្រោយដូចជា Google Maps នោះឡើយ។
ក្រុមហ៊ុន Google កាលពីពេលថ្មីៗកន្លងមកនេះ បានប្រកាសពីការខិតខំប្រឹងប្រែងរបស់ខ្លួន ក្នុងការដាក់បញ្ចូលស្ថានីយ៍ EV Chargers ទៅក្នុង Google Maps។ អ្នកប្រើប្រាស់គ្រាន់តែស្រាវជ្រាវ ដោយវាយពាក្យ «EV Charging» ឬ «EV Charging Stations» ប៉ុណ្ណោះ ពួកគេនឹងបានព័ត៌មានគ្រប់ជ្រុងទាក់ទងនឹងស្ថានីយ៍នីមួយៗ។
ជាមួយគ្នានេះផងដែរ អ្នកប្រើប្រាស់ក៏អាចផ្តល់ព័ត៌មានរបស់ខ្លួនផងដែរ ដោយពួកគេអាចបញ្ចូលរូបថតរបស់ខ្លួន និងផ្តល់ការវាយតម្លៃលើគុណភាពនៃស្ថានីយ៍បញ្ចូលចរន្តនីមួយៗ ។ ករណីនេះ នឹងជួយដល់អ្នកប្រើប្រាស់អាចដឹងពីស្ថានភាពនៃទីតាំងនានា ដូចជាកន្លែងខ្លះមិនដំណើរការ ដូច្នេះអ្នកប្រើប្រាស់អាចស្វែងរកទីតាំងផ្សេងដែលនោះក្បែរនោះ។
ទោះបីជាយ៉ាងណាក៏ដោយ មកដល់ពេលនេះ Google Maps មិនទាន់អាចផ្តល់ព័ត៌មានគ្រប់ស្ថានីយ៍នោះឡើយ ប៉ុន្តែក្រុមហ៊ុនបច្ចេកវិទ្យាមួយនេះ មានកិច្ចសហប្រតិបត្តិការពិសេសជាមួយក្រុមហ៊ុន Tesla និង ChargePoint ក្នុងក្របខណ្ឌទូទាំងពិភពលោក។
នៅសហរដ្ឋអាមេរិក Google សហការជាមួយ Blink, EVgo និង SemaConnect ជាដើម រីឯនៅចក្រភពអង់គ្លេស មាន Chargemaster និង Pod Point ជាដៃគូ៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
