អន្តរជាតិ
×![]()
ដោយ: ធីតា
មន្ត្រីជប៉ុនវ័យ៣៥ឆ្នាំម្នាក់ កាលពីខែតុលាកន្លងមក បានរៀបការជាមួយនាង Hatsune Miku ដែលជាតារាចម្រៀងតុក្កតានិម្មិតហូឡូក្រាម (Hologram) ដ៏ល្បីនៅជប៉ុន។ អាពាហ៍ពិពាហ៍នេះ មានអ្នកចូលរួមប្រមាណ៤០នាក់ និងចំណាយប្រាក់ជាង២លានយ៉េន (ជាង១៧ ៦០០ដុល្លារអាមេរិក) ប៉ុន្តែគ្មានវត្តមានគ្រួសាររបស់ខ្លួននោះឡើយ។
លោក Akihiko Kondo មិនទទួលបានពរជ័យពីក្រុមគ្រួសារនៅថ្ងៃមង្គលការរបស់ខ្លួននោះឡើយ។ ពួកគាត់មិនអាចទទួលយកបានទេ ពីព្រោះថា ភរិយារបស់លោក Kondo គឺតុក្កតានិម្មិតហូឡូក្រាម ដែលមានឈ្មោះថា Hatsune Miku។
Miku ជាប្រភេទតក្កុតាឡូឡូក្រាមដ៏ល្បីនៅជប៉ុន ដែលអាចឡើងច្រៀង និងរាំ បានដូចមនុស្ស តាមរយៈបច្ចេកវិទ្យាទំនើប។ «ខ្ញុំមិនច្រឡំនោះឡើយ ខ្ញុំតែងតែស្រឡាញ់នាង និងគិតទៅដល់នាងជារៀងរាល់ថ្ងៃ។ លោក Kondo បានបញ្ជាក់យ៉ាងដូច្នេះ ដោយអះអាងថា បានចំណាយប្រាក់ជិត១៨ ០០០ដុល្លារអាមេរិកសម្រាប់ពិធីអាពាហ៍ពិពាហ៍របស់ខ្លួនដែលមានភ្ញៀវប្រមាណ៤០នាក់។
Miku ដែលមានប្រវែងប្រមាណ១០សង់ទីម៉ែត្រ ស្ថិតក្នុងសម្លៀកបំពាក់ជាកូនក្រមុំ ហើយត្រូវបានអះអាងថា នាងមានអាយុ១៦ឆ្នាំហើយ។ ចំណងអាពាហ៍ពិពាហ៍នេះ មិនមានការទទួលស្គាល់តាមផ្លូវច្បាប់នៅជប៉ុនឡើយ។
ទោះបីជាយ៉ាងណាក៏ដោយ ក្រុមហ៊ុន GateBox ដែលផលិតតក្កុតា Miku បានចេញលិខិតទទួលស្គាល់ពិធីមង្គលការនោះ ហើយអ្វីដែលគួរឲ្យភ្ញាក់ផ្អើលថែមទៀត ក្រុមហ៊ុនធ្លាប់បានចេញលិខិតបែបនេះ ប្រមាណ៣៧០០សន្លឹករួចទៅហើយ។
ជាមួយគ្នានេះផងដែរ នៅផ្ទះ លោក Kondo អាចសន្ទនាជាមួយតក្កុតាដែលជាភរិយាសំណព្វរបស់ខ្លួនបានតាមរយៈការបាញ់ពន្លឺក្នុងប្រអប់ GateBox ហើយ Miku អាចនិយាយពាក្យមួយចំនួនទៅកាន់លោកដូចជា «សួស្តី», «ថ្ងៃនេះថ្ងៃល្អ», «រាត្រីសួស្តី» ជាដើម។
នៅពេលគេ លោក Kondo គេងជាមួយរូបតក្កុតាពិត។ លោកលើកឡើងថា ថ្វីត្បិតតែបច្ចុប្បន្នលោកមិនអាចឆ្លើយឆ្លងជាមួយតក្កុតាក៏ដោយ ប៉ុន្តែលោករំពឹងថា បច្ចេកវិទ្យានឹងមានការរីកចម្រើនទៅមុខ។
លោក Kondo ដែលធ្លាប់មានវិបត្តិស្នេហាកន្លងមក បានអះអាងថា លោកមិនស្អប់មនុស្សស្រីនោះឡើយ ប៉ុន្តែគ្រាន់តែលោកមិនបានចាត់ទុកថា ស្ត្រីជាដៃគូប្រកបដោយសក្តានុពលសម្រាប់ខ្លួន ដូចជាតក្កុតា Miku ដែលមិនចេះបោកប្រាស់៕
Tag:
ជប៉ុន
តក្កុតា
© រក្សាសិទ្ធិដោយ thmeythmey.com
