ជាតិ
នយោបាយជាតិ
×![]()
ដោយ: ថ្មីៗ
ពីអង្គប្រជុំនៃគណៈរដ្ឋមន្ត្រីនាព្រឹកថ្ងៃទី១៩ ខែវិច្ឆិកានេះ សម្តេចនាយករដ្ឋមន្ត្រី ហ៊ុន សែន បានប្រតិកម្មនឹងព័ត៌មានបរទេសដែលចុះផ្សាយថា កម្ពុជាកំពុងក្លាយជាកន្លែងឈរជើងរបស់កងទ័ពចិន។ មន្ត្រីកម្ពុជាក៏បានអះអាងផងដែរថា នេះជាព័ត៌មានមិនពិត (Fake News)។
នៅចំពោះមុខបណ្តារដ្ឋមន្ត្រី និងថ្នាក់ដឹកនាំជាន់ខ្ពស់ផ្សេងទៀតក្នុងជួរដ្ឋាភិបាល សម្តេច ហ៊ុន សែន លើកជាសំណួរមួយចំនួនអំពីរឿងនេះ។ លោក ខៀវ កាញារីទ្ធ រដ្ឋមន្ត្រីក្រសួងព័ត៌មាន ដែលកំពុងស្ថិតក្នុងកិច្ចប្រជុំនេះ បានស្រង់ប្រសាសន៍របស់នាយករដ្ឋមន្ត្រី ទៅបង្ហោះលើគណនីហ្វេសប៊ុកថា៖«តើកម្ពុជា មានការចាំបាច់រំលោភរដ្ឋធម្មនុញ្ញ ហើយអនុញ្ញាតឲ្យមានមូលដ្ឋានយោធាបរទេសលើទឹកដីកម្ពុជាឬទេ? តើកម្ពុជាត្រូវការកងទ័ពបរទេសដើម្បីច្បាំងជាមួយអ្នកណា?»។
រដ្ឋមន្ត្រីព័ត៌មាន បានសរសេរសម្តីរបស់ប្រមុខរដ្ឋាភិបាលទៀតថា៖«ខ្ញុំមិនត្រូវការឲ្យបរទេសមកច្បាំងគ្នានៅលើទឹកដីកម្ពុជាដូចអតីតកាលទេ ហើយក៏មិនត្រូវការឲ្យកម្ពុជា ក្លាយជាទីលានសាកល្បងមនោគមន៍វិជ្ជា ឬ អាវុធឡើយ។ យើងចង់ចងមិត្តជាមួយគ្រប់ប្រទេសលើសាកលលោក។ កងទ័ពកម្ពុជាដាច់ខាតមិនចូលរួមក្នុងកិច្ចប្រតិបត្តិការយោធាជាមួយប្រទេសណាទាំងអស់ លើកលែងតែក្រោមឆត្ររបស់អង្គការសហប្រជាជាតិ»៕
Tag:
ហ៊ុន សែន
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
