ជាតិ
សង្គមជាតិ
អ្នកនាំពាក្យ៖ ឧទ្ធម្ភាគចក្រទំនើបពីរគ្រឿងរបស់រុស្ស៊ី មកហោះឲ្យទ័ពខ្មែរមើល មិនមែនមកលក់ទេ រូប ថតបន្តពីវីដេអូរបស់សារព័ត៌មានដើមអំពិល
× ឧទ្ធម្ភាគចក្រដ៏ទំនើបពីរគ្រឿងរបស់រុស្សី បានមកដល់កម្ពុជា នៅព្រឹកថ្ងៃទី១៩ ខែវិច្ឆិកា ឆ្នាំ២០១៨នេះ។ នាយឧត្តមសេនីយ៍ ឈុំ សុជាត អ្នកនាំពាក្យក្រសួងការពារជាតិ ប្រាប់សារព័ត៌មានថ្មីៗតាមទូរសព្ទថា នៅព្រឹកថ្ងៃទី២០ ខែវិចិ្ឆកា ឧទ្ធម្ភាគចក្រទាំងពីរគ្រឿងនេះ នឹងហោះបង្ហាញពីគុណភាពរបស់ខ្លួន ឲ្យកងទ័ពកម្ពុជាមើល នៅព្រលានយន្តហោះពោធិ៍ចិនតុង។
លោក ឈុំ សុជាត បន្តថា សម្តេច ទៀ បាញ់ រដ្ឋមន្ត្រីក្រសួងការពារជាតិ នឹងចូលរួមធ្វើជាអធិបតីនិងទស្សនាការហោះហើរនេះផងដែរ។ លោក បន្ថែមថា រុស្ស៊ី គ្រាន់តែបញ្ជូនឧទ្ធម្ភាគចក្រទាំងពីរគ្រឿងនេះ មកឲ្យកងទ័ពខ្មែរមើលប៉ុណ្ណោះ តែរដ្ឋាភិបាល គ្មានបំណងទិញនោះទេ។ លោក បញ្ជាក់យ៉ាងដូច្នេះថា៖«យើងចង់ដឹងតម្លៃធ្វើអី បើយើងមិនទិញផងហ្នឹង»។
បើតាមអ្នកនាំពាក្យខាងលើ ឧទ្ធម្ភាគចក្រទាំងពីរនេះ គឺប្រភេទ Mi-171A2 និង Ansat៕
Tag:
ឧទ្ធម្ភាគចក្ររុស្ស៊ី
© រក្សាសិទ្ធិដោយ thmeythmey.com