អត្ថបទពាណិជ្ជកម្ម
សាលាអន្តរជាតិហ្សាម៉ាន់ បញ្ចាក់ពីមហិច្ឆតាក៏សាងយីហោថ្មី ក្រោយដូរឈ្មោះសាលា
× សាលាអន្តរជាតិហ្សាម៉ាន់ ដែលជាគ្រឹះស្ថានអប់រំមួយដ៏ល្អប្រសើរនៅក្នុងប្រទេសកម្ពុជា បានចេញសេចក្ដីប្រកាស ស្ដីពីការផ្លាស់ប្ដូរឈ្មោះទៅជា «សាលាអន្តរជាតិផារ៉ាហ្គន (កម្ពុជា) »វិញ។ សេចក្ដីសម្រេចនេះ ត្រូវបានប្រកាសជាផ្លូវការ ដោយប្រធានក្រុមប្រឹក្សាភិបាលកិត្តិយស លោក អ៊ាង សុផល្លែត ស្វាមីរបស់លោកស្រី ជា សុផាកន្នី ដែលជាប្រធានក្រុមប្រឹក្សាភិបាល និងជាម្ចាស់តែមួយគត់ នៃសាលាអន្តរជាតិហ្សាម៉ាន់ទាំង៣សាលា រួមទាំងសាកលវិទ្យាល័យហ្សាម៉ាន់។
ចាប់តាំងពីពេលដែលលោកស្រីប្រធានបានទទួលសិទ្ធិពេញលេញ លើការគ្រប់គ្រងគ្រឹះស្ថានអប់រំនេះ ក្រុមប្រឹក្សាភិបាលរបស់សាលាយល់ឃើញថា ការផ្លាស់ប្ដូរយីហោសាលា គឺជាប្រការចាំបាច់ ក្នុងការពាំនាំនូវកម្លាំង និងថាមពលថ្មី ឆ្ពោះទៅកាន់ដំណាក់កាលបន្ទាប់ នៅក្នុងវិថីនេះ។
បន្ទាប់ពីការប្រឹក្សាយោបល់អស់រយៈពេលយ៉ាងយូរមក ក្រុមប្រឹក្សាភិបាល បានសម្រេចជ្រើសយកឈ្មោះ «សាលាអន្តរជាតិផារ៉ាហ្គន (កម្ពុជា)» វិញ ដែលជាឈ្មោះដ៏សក្តិសម ចំពោះអត្តសញ្ញាណ នៃសារអប់រំរបស់សាលា។ រីឯ សាកលវិទ្យាល័យ នឹងត្រូវប្ដូរទៅជា «សាកលវិទ្យាល័យអន្តរជាតិផារ៉ាហ្គន (កម្ពុជា)» ជំនួសវិញ។
សាលានៅតែបន្ត ផ្ដល់នូវកម្មវិធីអប់រំពីរភាសាដដែល ដោយសិស្សអាចសិក្សាទាំងកម្មវិធីសិក្សាខ្មែរ និងអន្តរជាតិ។ ចំពោះសិស្សថ្នាក់អន្តរជាតិ ពួកគាត់ត្រូវប្រឡងតេស្ដខេមប្រ៊ីជ ខណៈសិស្សដែលសិក្សាក្នុងកម្មវិធីសិក្សាថ្នាក់ជាតិ ត្រូវសិក្សាតាមកម្មវិធីសិក្សាដូចសាលារដ្ឋ។
ភ័ស្តុតាងនៃការបន្តមហិច្ឆតា ត្រូវបានស្ដែងចេញឡើងយ៉ាងច្បាស់ ជាមួយនឹងការប្រកាស សាខាថ្មី ដែលទើបបានឆ្លងផុតដំណាក់កាលបឋម នៃការរៀបចំផែនការ។ សាលា នឹងផ្ដល់ឱកាសបន្ថែមទៀត ដល់សិស្សានុសិស្ស ដើម្បីទាញយកជាប្រយោជន៍ ពីការអប់រំដ៏អស្ចារ្យដែលសាលាផ្ដល់ជូន។
ដូចសព្វដង ការផ្ដោតសំខាន់ទៅលើរចនាសម្ព័ន្ធគ្រប់គ្រងសាលា នឹងបន្តផ្ដល់នូវឧត្តមភាព នៃការអប់រំដល់សិស្សានុសិស្ស នៅក្នុងបរិស្ថានអប់រំដែលមានសុវត្ថិភាព និងភាពរីករាយ ស្របទៅនឹងកិត្តិនាមរបស់សាលាផងដែរ។ សាលា នឹងបន្តប្ដេជ្ញាបម្រើដល់ការងារសប្បុរសធម៌ ទន្ទឹមនឹងការជួយដល់សហគមន៍ ក្នុងតំបន់ តាមលទ្ធភាពដែលអាចធ្វើទៅបាន៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com