ជាតិ
បុណ្យអុំទូក
ព្រះរករុណា ព្រះមហាក្សត្រ យាងទតព្រះរាជពិធីបុណ្យអុំទូកថ្ងៃទីមួយ
×![]()
ប្រជាពលរដ្ឋប្រមាណ៦០ម៉ឺននាក់បានចូលរួមទស្សនា និងដើរលេងកម្សាន្តក្នុងព្រះរាជពិធីបុណ្យអុំទូក បណ្តែតប្រទីប អកអំបុក និងសំពះព្រះខែក្នុងថ្ងៃដំបូង។ ទោះបីមានប្រជាពលច្រើនយ៉ាងណាក៏ដោយ តែបញ្ហាសន្តិសុខ សណ្តាប់ធ្នាប់ ត្រូវបានគេវាយតម្លៃថា មានភាពល្អប្រសើរ។
បើតាមរបាយការណ៍របស់លោក ឆាយ គឺមខឿន ប្រធានលេខាធិការដ្ឋាននៃគណៈកម្មាធិការជាតិរៀបចំបុណ្យជាតិនិងអន្តរជាតិ ប្រជាពលរដ្ឋចន្លោះពី៥០ទៅ៦០ម៉ឺននាក់មកពីទូទាំងប្រទេស បានមកចូលរួមទស្សនាការប្រណាំងទូក ការប្រគុំតន្ត្រី និងដើរនៅកម្សាន្តតំបន់នានានៅថ្ងៃទី២១ ខែវិច្ឆិកា ដែលជាថ្ងៃទី១នៃព្រះរាជពិធីបុណ្យអុំទូក បណ្តែតប្រទីប អកអំបុក និងសំពះព្រះខែ។
របាយការណ៍ខាងលើឲ្យដឹងទៀតថា មិនមានបញ្ហាអសន្តិសុខធំដុំណាមួយកើតឡើងនោះទេ ពោលគឺទាំងបញ្ហាសន្តិសុខ និងសណ្តាប់ធ្នាប់មានភាពល្អប្រសើរ ទោះបីមានការកកស្ទះនៅតាមតំបន់មួយចំនួនក៏ដោយ។
នៅថ្ងៃទី១នៃព្រះរាជពិធីបុណ្យអុំទូក មានទូកចូលរួមចំនួន២៩៥ទូក(ទូកអន្តរជាតិ៩៨ទូកនិងទូកនារី២ទូក) ដែលមានកីឡាករកីឡាការិនីសរុបចំនួន១៩,០១៧នាក់។ សម្រាប់ការប្រណាំងថ្ងៃដំបូងនេះដែរ មានករណីលិចទូកចំនួន៧លើក ប៉ុន្តែគ្មានបញ្ហាអ្វីនោះទេ៕
Tag:
បុណ្យអុំទូក
© រក្សាសិទ្ធិដោយ thmeythmey.com
