ជាតិ
អត្ថបទពាណិជ្ជកម្ម
ពិព័រណ៍« Promotion ចុងឆ្នាំ» របស់Baby Outlet នឹងមានការបញ្ចុះតម្លៃ និងថែមកាដូអស់ស្ទះ
×![]()
ដោយ: សារព័ត៌មានថ្មីៗ
ភ្នំពេញ៖ Baby Outlet ដែលជាហាងទំនិញកុមារដ៏ធំជាងគេនៅកម្ពុជា ទើបបញ្ចប់កម្មវិធីតាំងពិព័រណ៍ធំៗចំនួន២ ដោយជោគជ័យកាលពីពេលកន្លងទៅថ្មីៗនេះ គឺពិព័រណ៍ «ម្សៅទឹកដោះគោ» និង«ពិព័រណ៍សម្ភារត្រៀមសម្រាល»។ អ្វីដែលគួរឲ្យភ្ញាក់ផ្អើលនោះ គឺហាងទំនិញកុមារដ៏ធំជាងគេនៅកម្ពុជាមួយនេះ នឹងរៀបចំពិព័រណ៍ដ៏អស្ចារ្យមួយទៀត នៅក្នុងខែធ្នូខាងមុខនេះ នោះគឺពិព័រណ៍ Promotion ចុងឆ្នាំ។
ពិព័រណ៍នេះ នឹងត្រូវរៀបចំធំជាង និងយូរជាងពិព័រណ៍មុនៗ ដែល Baby Outlet ធ្លាប់បានធ្វើ គឺមានរយៈពេល៣ថ្ងៃ គឺពីថ្ងៃទី១៤-១៦ ខែធ្នូខាងមុខនេះ នៅហាងបេប៊ី អោតឡេត សាខាវិមានឯករាជ្យ។
ហេតុអ្វីយូរជាងមុន? ធំជាងមុន? ក៏ព្រោះតែ ហាង Baby Outlet ចង់ផ្តល់ឱកាសដល់អតិថិជនរបស់ខ្លួនទាំងអស់ បានទទួលចំណេះដឹងថ្មីៗ និងបទពិសោធន៍ល្អទាក់ទងនឹងការចិញ្ចឹមបីបាច់កូនៗ ក៏ដូចការទិញទំនិញដែលមានគុណភាព តម្លៃសមរម្យ។ កាន់តែពិសេសនោះ ពិព័រណ៍ Promotion ចុងឆ្នាំនេះ នឹងមានការបញ្ចុះតម្លៃកប់ៗ និងមានត្រៀមកាដូយ៉ាងច្រើនសម្រាប់ថែមជូនអតិថិជន ដែលចូលរួម។
សូមបញ្ជាក់ថា នៅក្នុងពិព័រណ៍នាពេលខាងមុខនេះ នឹងមានវេជ្ជបណ្ឌិតជាតិ និងអន្តរជាតិជាច្រើនរូប មកពីមន្ទីរពេទ្យល្បីៗ ចូលរួមផ្តល់ការពិគ្រោះយោបល់ពីសុខភាព ដោយឥតគិតថ្លៃដល់អតិថិជន។ ជាពិសេសនោះ ក៏នឹងមានការចូលរួមផងដែរ ពីក្រុមហ៊ុនលក់ផលិតផលកុមារ ទារក និងស្ត្រីមានផ្ទៃពោះដែលមានគុណភាព ចូលរួម។ ទាំងហាងបេប៊ី អោតឡេតផ្ទាល់ និងក្រុមហ៊ុនដែលនឹងចូលរួម សុទ្ធតែបានត្រៀមនូវកម្មវិធីសប្បាយជូនដល់អតិថិជន ជាពិសេសគឺការបញ្ចុះតម្លៃលើសម្ភាររបស់ខ្លួន ក៏ដូចជាត្រៀមកាដូយ៉ាងច្រើន សម្រាប់ថែមជូនអតិថិជន នៅក្នុងឱកាសដ៏ពិសេសនេះថែមទៀតផង៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
