ជាតិ
×![]()
ភ្នំពេញ៖ ក្នុងឱកាសព្រះរាជពិធីបុណ្យអុំទូករយៈពេល ៣ថ្ងៃនេះ ភ្ញៀវទេសចរ និងពលរដ្ឋ ប្រមាណ ៩២.៥ម៉ឺននាក់ បានដើរកម្សាន្តនៅតាមបណ្ដាខេត្តនានា។ ចំនួនភ្ញៀវទេសចរនេះ កើនឡើងប្រមាណ ១៥.៦% ខណៈរាជធានីភ្នំពេញ មានពលរដ្ឋ ៤.៥លាននាក់ មកទស្សនាពិធីបុណ្យអុំទូក។ នេះបើតាមទំព័រហ្វេសប៊ុករបស់ក្រសួងទេសចរណ៍។
រយៈពេល៣ថ្ងៃនៃពិធីបុណ្យអុំទូក ភ្ញៀវទេសចរ និងពលរដ្ឋ បានដើរកម្សាន្តនៅតាមបណ្ដាខេត្តនានា ប្រមាណ ៩២.៥ម៉ឺននាក់ កើនឡើង១៥.៦%។ រដ្ឋមន្ត្រីក្រសួងទេសចរណ៍ បានលើកឡើងថា៖ «សម្រាប់ថ្ងៃឈប់សម្រាក ព្រះរាជពិធីបុណ្យអុំទូក រយៈពេល៣ថ្ងៃនេះ ភ្ញៀវទេសចរ និងបងប្អូនប្រជាពលរដ្ឋដែលដើរកម្សាន្តនៅតាមបណ្តាខេត្តទូទាំងប្រទេស មានចំនួនសរុបប្រមាណ៩២.៥ម៉ឺននាក់ ក្នុងអត្រាកំណើនប្រមាណ១៥.៦% ខណៈរាជធានីភ្នំពេញមានចំនួន៤.៥លាននាក់ កើនឡើងជិត៥០%»។
បើតាមក្រសួងទេសចរណ៍ ចំនួនភ្ញៀវទេសចរប្រមាណ ៩២.៥ម៉ឺននាក់នេះ ក្នុងនោះមានភ្ញៀវជាតិ ប្រមាណ ៨៤.២ ម៉ឺននាក់ ក្នុងអត្រាកំណើន ១៥.៣% និងភ្ញៀវអន្តរជាតិប្រមាណ ៨.៣ ម៉ឺននាក់ ក្នុងអត្រាកំណើន ១៨.៥%។ ដោយឡែក រាជធានីភ្នំពេញ មានពលរដ្ឋទៅកម្សាន្តប្រមាណ ៤.៥លាននាក់៕
Tag:
ភ្ញៀវទេសចរ
© រក្សាសិទ្ធិដោយ thmeythmey.com
