ជាតិ
សម្ដេច ហ៊ុន សែន ប្រតិកម្មនឹងការរិះគន់ថា ស.ស.យ.ក ប្រមូលផ្ដុំដោយកូនមេដឹកនាំ
× ភ្នំពេញ៖ «ក្រុមអ្នកប្រឆាំង គ្មានថ្ងៃមកអង្គុយក្នុងកម្មវិធីរបស់ ស.ស.យ.ក ទេ»។ នេះជាការលើកឡើងរបស់សម្ដេច ហ៊ុន សែន ដែលប្រតិកម្មតបនឹងអ្នករិះគន់មកលើស្ថាប័នសហភាពសហព័ន្ធយុវជនកម្ពុជាថា ជាទីកន្លែងដែលប្រមូលផ្ដុំសុទ្ធតែកូនអ្នកធំ ឬអ្នកមានអំណាច។
ថ្លែងក្នុងពិធីបិទសន្និបាត សហភាពសហព័ន្ធយុវជនកម្ពុជា នៅរសៀលថ្ងៃទី២៧ វិច្ឆិកានេះ សម្ដេច ហ៊ុន សែន បាននិយាយថា ស.ស.យ.ក គឺជាអង្គការក្រៅរដ្ឋាភិបាលមួយ ដែលមានសិទ្ធិពេញលេញក្នុងការធ្វើសកម្មភាពរបស់ខ្លួន ដូចនេះវាគ្មានអ្វីដែលក្រុមអ្នកប្រឆាំងត្រូវរិះគន់លើសកម្មភាពពួកគេឡើយ។
អមជាមួយការលើកឡើងបែបនេះ សម្ដេច ហ៊ុន សែន បានឆ្លើយតបវិញថា៖«ដូច្នេះសូមផ្ដាំទៅពួកអ្នកឯងវិញថា យល់ឲ្យច្បាស់ ដឹងឲ្យច្បាស់ កុំនិយាយថា ស.ស.យ.ក ប្រមូលផ្ដុំកូនមេដឹកនាំនេះ។ បើយើងមិនជ្រើសរើសអ្នកទាំងនេះ តើយើងត្រូវជ្រើសរើសពីខាងណាមក»។
សូមស្ដាប់សំឡេងសម្ដេច ហ៊ុន សែន៖
Tag:
ហ៊ុន សែន
ស.ស.យ.ក
© រក្សាសិទ្ធិដោយ thmeythmey.com