ពីនេះ ពីនោះ
ព័ត៍មានសុខភាព
អស់បារម្ភ! ជៀសឆ្ងាយពីបញ្ហាឈឺសន្លាក់ ដោយគ្រាន់តែទទួលទានអាហារទាំងនេះ
×![]()
ដោយ: ថ្មីៗ
កុំសន្មត់ថាអាការៈហើម និងឈឺសន្លាក់ អាចកើតមានតែចំពោះមនុស្សចាស់ឲ្យសោះ! ដោយតាមពិតទៅបញ្ហាសុខភាពមួយនេះ ក៏អាចកើតលើមនុស្សវ័យក្មេងផងដែរ ជាពិសេសអ្នកដែលមានរបួសពេលលេងកីឡា ឬហាត់ប្រាណខ្លាំងក្លា។ ជាទូទៅការឈឺចាប់ត្រង់សន្លាក់ គឺច្រើនតែបណ្ដាលមកពីជំងឺរលាកសន្លាក់។ ប៉ុន្តែកុំបារម្ភពេក! បញ្ហាឈឺសន្លាក់, ជំងឺរលាកសន្លាក់ ក៏ដូចជាការរលាកផ្សេងៗក្នុងរាងកាយ អាចទប់ស្កាត់ជាមុន ឬសម្រាលអាការៈការឈឺចាប់បានតាមរយៈអាហារមួយចំនួន។ ថាតើអាហារទាំងនោះមានអ្វីខ្លះទៅ? 
ខាងក្រោមនេះយើង នឹងបង្ហាញឲ្យដឹងនូវប្រភេទអាហារទាំងនោះ ៖
ខាងក្រោមនេះយើង នឹងបង្ហាញឲ្យដឹងនូវប្រភេទអាហារទាំងនោះ ៖
១. ផ្កាខាត់ណាខៀវ
ប្រូខូលី ឬផ្កាខាត់ណាខៀវ មានផ្ទុកសារធាតុ sulfuric ជួយរារាំងអង់ស៊ីមដែលផ្សារភ្ជាប់ជាមួយការរលាកសន្លាក់ និងការបំផ្លាញ។
២. ផ្លែប៉ោមក្រហម
ប៉ោមក្រហម មានផ្ទុកសម្បូរទៅដោយសារធាតុ anthocyanins និងសារធាតុប្រឆាំងការរលាកមួយទៀតហៅថា quercetin ដែលមានប្រសិទ្ធិភាពទប់ស្កាត់ប្រយុទ្ធប្រឆាំង ក៏ដូចជាបន្ធូរអាការៈនៃជំងឺរលាកសន្លាក់ផងដែរ។
៣. ខ្ទឹមបារាំង
ក្រៅពីផ្លែប៉ោមក្រហមហើយនោះ ខ្ទឹមបារាំង គឺជាប្រភពដ៏ប្រសើរនៃសារធាតុប្រឆាំងការរលាក quercetin។ លើសពីនេះទៅទៀត ខ្ទឹមបារាំងក៏មានផ្ទុកនូវសមាសធាតុស្ពាន់ធ័រដែលជួយប្រយុទ្ធប្រឆាំងជំងឺរលាកសន្លាក់ដោយរារាំងការរលាក និងការបំផ្លាញសន្លាក់។
៤. រមៀត
អ្នកជំនាញជាច្រើនបាននិយាយថា រមៀត គឺជាថ្នាំបំបាត់ការឈឺចាប់តាមបែបធម្មជាតិដ៏ប្រសើរសម្រាប់អ្នកដែលមានបញ្ហារលាកសន្លាក់។ រមៀតមានផ្ទុកនូវសារធាតុ curcumin ដែលមិនត្រឹមតែប្រយុទ្ធប្រឆាំងនឹងការរលាកប៉ុណ្ណោះទេ ប៉ុន្តែក៏ជួយកាត់បន្ថយការឈឺចាប់ និងការហើមផងដែរ។
៥. ការ៉ុត
ក្រៅពីល្អសម្រាប់សុខភាពភ្នែកហើយនោះ វីតាមីន A ក៏មានឥទ្ធិពលខ្លាំងក្លាប្រយុទ្ធប្រឆាំងនឹងការរលាកផងដែរ។ ការដាក់បញ្ចូលការ៉ុតក្នុងរបបអាហារប្រចាំថ្ងៃ គឺជាវិធីដ៏ងាយ ប៉ុន្តែមានប្រសិទ្ធិភាពខ្ពស់ជួយទប់ស្កាត់ជំងឺរលាកសន្លាក់មិនឲ្យកើតឡើង ឬកាត់បន្ថយអាការៈនៃជំងឺ។
៦. ត្រីសាលម៉ុន
បញ្ចូលត្រីសាលម៉ុនក្នុងរបបអាហារប្រចាំថ្ងៃអាចជួយពង្រឹងសន្លាក់ឲ្យកាន់តែរឹងមាំប្រសើរឡើងតាមរយៈអាស៊ីតខ្លាញ់អូមេហ្គា ៣ ដែលវាមានផ្ទុក។ អាស៊ីតខ្លាញ់ល្អប្រភេទនេះមានប្រសិទ្ធិភាពខ្ពស់ក្នងការដោះស្រាយអាការៈរលាកផ្សេងៗក្នុងរាងកាយ។ ត្រី mackerel, ត្រីសាឌីន និងត្រីធូណា ក៏ជាប្រភពដ៏ប្រសើរនៃអាស៊ីតខ្លាញ់អូមេហ្គា ៣ ដែរ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
