-ចំណូលរាស្ត្រកើនចម្រើនរដ្ឋា
ជាផ្លែផ្កានៃសុខសន្តិភាព
យើងរួមកម្លាំងតាំងមិនព្រមទាប
ប្រឹងប្រែងប្រៀបរៀបប្រាណធ្វើនាគថ្មី។
-ខំពង្រឹងខ្លួនឲ្យមួនមាំខ្លាំង
ចុះជួយច្បាំងឲ្យស្រុះទាំងប្រុសស្រី
ជម្រះឲ្យអស់ចម្រោះក្រក្រី
ជំនាញថ្មីកុំហីរៀនឲ្យច្បាស់។
-ទាក់ទុនពីក្រៅហៅទាំងក្នុងស្រុក
កុំសំកុកសម្រុកទាំងក្មេងចាស់
ក្រុងស្រែចម្ការធ្វើការឲ្យណាស់
មិនយូរច្បាស់យើងឈានដល់គោលដៅ។
-ជំរុញគ្រប់ផ្នែកបច្ចេកវិទ្យា
រៀនតគ្នាបើខ្វះរកអ្នកក្រៅ
ទីផ្សារអនឡាញបណ្តាញលឿនស្លៅ
នាគយើងដៅពិតដល់ដូចបំណង៕