ជាតិ
មិនចង់ធ្វើការឲ្យគេព្រោះរងសម្ពាធ កញ្ញា មាន សិលា បើកហាងកាហ្វេខ្លួនឯង
× ម្ចាស់ហាងកាហ្វេថ្មី (Startup) Le Jardin Café កញ្ញា មាន សិលា បានឲ្យដឹងថា មុននឹងចាប់ ផ្តើមអាជីវកម្មលើផ្នែកកាហ្វេនេះ កញ្ញាធ្លាប់បម្រើការក្នុងហាងកាហ្វេល្បីៗជាច្រើន ចាប់តាំងពីថ្នាក់តូច រហូតក្លាយជាអ្នកគ្រប់គ្រងទូទៅក្នុងហាង។ ទោះទទួលបានតំណែងខ្ពស់យ៉ាងណា ក៏មិនអាចទាក់ចិត្ត កញ្ញា ពីគម្រោងបើកហាងដោយខ្លួនឯងដែរ។ កញ្ញា ក៏សម្រេចចិត្តសាកល្បងបើកហាងកាហ្វេ Le Jardin Café ឡើង ដោយគិតថាខ្លួនមានបទពិសោធន៍ច្រើនលើអាជីវកម្មកាហ្វេនេះ។
កញ្ញាឲ្យដឹងថា៖« ពេលធ្វើការឲ្យគេខ្ញុំរងសម្ពាធ មេថាឲ្យ តែវាជាចំណុចល្អ ធ្វើឲ្យយើងបានចេះដឹង យល់ពីការធ្វើកាហ្វេ និងរបៀបគ្រប់គ្រងហាងវាបែបណា ដែលធ្វើឲ្យយើងមានដល់ថ្ងៃហ្នឹង»។
ក្នុងរយៈកាលបើកដំណើរការបាន៣ខែមកនេះ មានការគាំទ្រច្រើនពីសំណាក់អតិថិជន ក្នុងមួយថ្ងៃជាមធ្យមលក់ បានចន្លះពី ៥០ ទៅ៦០ កែវ ដោយសារមានតម្លៃធូរថ្លៃ និងមានសេវាកម្មដឹកជញ្ជូនដល់កន្លែង។ កញ្ញាបាននិយាយថា៖« កាហ្វេមួយកែវ ៥០០០រៀល មិនថាអ្នកមានប្រាក់ខែច្រើន ឬក៏តិចទេ គាតអាចញាំកាហ្វេរបស់ខ្ញុំបាន ហើយកាហ្វេរបស់ខ្ញុំ ខ្ញុំយកប្រភេទកាហ្វេអ៊ីតាលី ដែលមានរសជាតិឆ្ងាញ់ ចំពោះអ្នកចូលចិត្តកាហ្វេបែបអ៊ឺរ៉ុប»។
ដើម្បីជ្រាបច្បាស់សូមលោកអ្នកនាងស្តាប់បទសម្ភាសរវាងលោក ភួង វ៉ាន់ថា នៃសារព័ត៌មានថ្មីៗ និងកញ្ញា មាន សិលា ដូចតទៅ៖
© រក្សាសិទ្ធិដោយ thmeythmey.com