ជាតិ
លោក អង្គ វង្សវឌ្ឍានា រដ្ឋមន្រ្តីក្រសួងយុត្តិធម៌ និង ជាប្រធាន គណៈកម្មការថ្នាក់ជាតិ បានបើកកិច្ចប្រជុំសំណើអនុ គ្រោះទោស កាលពីថ្ងៃទី១២ធ្នូ ឆ្នាំ២០១៨ នៅទីស្តិការក្រសួង
×![]()
ភ្នំពេញ៖ ថ្ងៃប្រារព្ធពិធីភ្ជុំបិណ្ឌ និងទិវានយោបាយឈ្នះ-ឈ្នះ២៩ធ្នូ នឹងកា្លយជាថ្ងៃលើកលែងទោស សម្រាប់អ្នកជាប់ពន្ធនាគារទូទាំងប្រទេស។ លោក ជិន ម៉ាលីន អ្នកនាំពាក្យក្រសួងយុត្តិធម៌ បានប្រាប់សារព័ត៌មានថ្មីៗ តាមទូរសព្ទថា បច្ចុប្បន្ន គណៈកម្មការថ្នាក់ជាតិ កំពុងប្រជុំលើសំណើសុំអនុគ្រោះទោស ឬបន្ធូរបន្ថយទោសនេះ។
លោកបានបន្តថា នីតិវិធីនៃការសម្រេចបន្ធូរបន្ថយ និងលើកលែងទោស ក្នុងកម្រិតទាំងប៉ុន្មាន គឺមិនទាន់សម្រេចនៅឡើយ ព្រោះកំពុងស្ថិតនៅក្នុងការពិនិត្យ រួចហើយជញ្ជូនសំណើនេះ ទៅឱ្យនាយករដ្ឋមន្ត្រីបន្តទៀតដើម្បីសម្រេច ដោយស្នើទៅព្រះមហាក្សត្រក្នុងការចេញព្រះរាជក្រឹត្យ។
សូមបញ្ជាក់ថា កន្លងមកកម្ពុជាបានជ្រើសរើស និងសម្រេចយកថ្ងៃបុណ្យវិសាខបូជា បុណ្យចូលឆ្នាំប្រពៃណីខ្មែរ និងបុណ្យអុំទូក ជាពិធីលើកលែង និងបន្ធូរបន្ថយទោសអ្នកជាប់ពន្ធនាគារ ជារៀងរាល់ឆ្នាំ។
សម្តេចនាយករដ្ឋមន្ត្រី ហ៊ុន សែន បានអះអាង កម្ពុជានឹងប្រារព្ធពិធីបុណ្យដ៏ធំនៅវិមានឈ្នះ-ឈ្នះ នាថ្ងៃ២៩ ខែធ្នូខាងមុខ ដើម្បីបង្ហាញថាកម្ពុជាបានបញ្ចប់សង្គ្រាមដោយជោគជ័យ តាមរយៈនយោបាយឈ្នះ-ឈ្នះ ៕
Tag:
ពន្ធនាគារ
ទោស
ឈ្នះ-ឈ្នះ
© រក្សាសិទ្ធិដោយ thmeythmey.com
