ជាតិ
បទយកការណ៍ / បទសម្ភាសន៍
សេដ្ឋកិច្ច
នៅពេលដែលហាងកាហ្វេ ដំណើរការដោយជនពិការគ-ថ្លង់ លោក ម៉េង ហ៊ុយ ជាជនពិការភាពផ្នែក គ-ថ្លង់ នៅហាងកាហ្វេ Coffee Socials and Humanity
× Socials Coffee & Humanity ជាហាងកាហ្វេមួយខុសពីហាងកាហ្វេដទៃ ដោយសារមានបុគ្គលិកជនពិការភាពផ្នែកគ-ថ្លង់បម្រើការ។ ហាងកាហ្វេនេះ បើកដំណើរការបានជាង៦ខែមកហើយ និងមាន២ទីតាំងនៅក្នុងធនាគារភ្នំពេញពាណិជ្ជ(PPCBank)សាខាបឹងត្របែក និងសាខាអូរឫស្សី។ មានបុគ្គលិកសរុប៨នាក់កំពុងបម្រើការនៅហាងកាហ្វេទាំង២សាខា ក្នុងនោះមានជនពិការភាពផ្នែកគ-ថ្លង់៣នាក់។ ទោះជាមិនមែនបម្រើការដោយជនពិការទាំងអស់ ប៉ុន្តែពួកគេ ប្រើភាសាសញ្ញា (Sign Language) ដើម្បីទំនាក់ទំនងគ្នា និងទាក់ទងជាមួយអតិថិជន ដែលធ្វើឲ្យទិដ្ឋភាពក្នុងហាងកាហ្វេមានសភាពស្ងប់ស្ងាត់។
លោក Swapnil Deshumkh ជនជាតិឥណ្ឌា និងជាស្ថាបនិកហាងកាហ្វេនេះ បានប្រាប់សារព័ត៌មានថ្មីៗថា លោកបើកហាងកាហ្វេនេះ ដើម្បីផ្តល់ឱកាស និងលើកទឹកចិត្តដល់ជនពិការគ-ថ្លង់នៅកម្ពុជា។ ក្រៅពីផ្តល់ឱកាសបង្ហាញសមត្ថភាពដល់ជនពិការគ-ថ្លង់ លោក Swapnil Deshumkh ចង់ឃើញពួកគេក្លាយជាសហគ្រិន ដែលមានអាជីវកម្មខ្លួនឯងទៅថ្ងៃអនាគត។ លោក Swapnil Deshumkh បញ្ជាក់ដូច្នេះ៖ «ខ្ញុំបើកវាឡើងគឺដើម្បីផ្តល់ឱកាសការងារ និងលើកទឹកចិត្ត ដល់ជនពិការភាពផ្នែក គ-ថ្លង់ នៅកម្ពុជា។ លើសពីនេះទៀត នឹងបង្រៀនអ្នកពិការទាំងនេះឲ្យក្លាយជាសហគ្រិន និងបង្កើតអាជីវកម្មដោយខ្លួនឯង»។
Tag:
ជនពិការ
គ
ថ្លង់
កាហ្វេ
អាជីកម្ម
សហគ្រិន
© រក្សាសិទ្ធិដោយ thmeythmey.com