បុណ្យសមុទ្រលើកទី៧នៅកោះកុងទទួលបានភ្ញៀវជិត៣៥ម៉ឺននាក់

ជាតិ

បុណ្យសមុទ្រលើកទី៧នៅកោះកុងទទួលបានភ្ញៀវជិត៣៥ម៉ឺននាក់

17, Dec 2018 , 9:19 pm

រូបភាព

រូបភាពពីហ្វេសប៉ុកសម្ដេច

ដោយ: ភួង វ៉ាន់ថា

ពិធីបុណ្យសមុទ្រលើកទី៧មានភ្ញៀវទេសចរណ៍ម្រមាណ៣៥ម៉ឺននាក់បានចូលរួមទស្សនាកម្សាន្តក្នុងរយៈពេល៣ថ្ងៃ កើនឡើងជិត៦ដងបើធៀបនឹងពិធីបុណ្យលើកទី៣ក្នុងឆ្នាំ២០១៣។ នេះបើតាមរបាយការណ៍របស់គណៈកម្មការរៀបចំពិធីបុណ្យសមុទ្រ។

គណៈកម្មការរៀបចំពិធីបុណ្យសមុទ្របានឲ្យដឹងថា នៅថ្ងៃទី១ មានចំនួនប្រមាណ ៦ម៉ឺននាក់, ថ្ងៃទី២ មានចំនួនប្រមាណ ២០ម៉ឺននាក់ និងថ្ងៃទី៣ មានចំនួនប្រមាណ ៩ម៉ឺននាក់។

ក្នុងឱកាសនៃពិធីបុណ្យសមុទ្រនេះក៏មានការចូលរួមសម្ដែងសិល្បៈចំនួន៤ប្រទេសរួមមាន ឥណ្ឌា ឥណ្ឌូណេស៊ី ថៃ វៀតណាម និងខេត្តទាំង ៤ ជាប់ឆ្នេរ។ល។ រួមទាំងព្រឹត្តិការណ៍ទេសចរណ៍សំខាន់ៗជាច្រើនមានដូចជា ពិព័ណ៍ផលិតផលក្នុងស្រុក ពិព័រណ៍ម្ហូបអាហារនិងផលិតផលបរទេស ការសម្តែងសិល្បះបុរាណ (ចាប៉ីដងវៃង) និងសម័យរបស់សិល្បករជាតិ និងអន្តរជាតិ សកម្មភាពកីឡា ក្បួនព្យុហយាត្រា និងការកម្សាន្តសប្បាយជាច្រើនទៀត។

លោក ថោង ខុន រដ្ឋមន្ត្រីក្រសួងទេសចរណ៍៖ «កត្តាសន្តិភាព កត្តារីកចម្រើនឥតឈប់ឈរនៃជីវភាពរស់នៅរបស់ប្រជាពលរដ្ឋ កត្តារីកចម្រើននៃហេដ្ឋារចនាសម្ពន្ធ ផ្លូវថ្លល់ កត្តាផលិតផល និងគោលដៅទេសចរណ៍ប្លែកៗដ៏ទាក់ទាញ ពិសេសគឺទេសភាពដ៏ទាក់ទាញនៃតំបន់ឆ្នេរ កោះ និងតំបន់អេកូទេសចរណ៍ និងការយកចិត្តទុកដាក់រៀបចំរបស់គណៈកម្មការ និងអាជ្ញាធរខេត្ត ការគ្រប់គ្រងសន្តិសុខ សណ្តាប់ធ្នាប់ អនាម័យ បរិស្ថានដ៏ល្អ»។

សម្ដេចតេជោ ហ៊ុន សែន នាយករដ្ឋមន្ដ្រី អញ្ជើញបើកជាផ្លូវការពិធីបុណ្យសមុទ្រលើកទី៧បានសង្កត់ធ្ងន់ថា ត្រូវរក្សាឲ្យបានសមុទ្របៃតង និងកិត្តិនាជាតារារះនៅភាគនិរតី និងលើកទឹកចិត្តឲ្យមានការអភិវឌ្ឍ បែបអេកូទេសចរណ៍ដូចតារាសាគរ ដោយមិនមានការកាប់បំផ្លាញព្រៃឈើ ហើយអេកូទេសចរណ៍មិនតម្រូវឲ្យមានការកាប់បំផ្លាញព្រៃឈើនោះទេ តែវាបានទទួលប្រយោជន៍ពីវិស័យទេសចរណ៍នេះ ច្រើនជាងវិស័យកសិកម្ម និងការពារព្រៃបានថែមទៀតផង៕