អត្ថបទពាណិជ្ជកម្ម
២៥ខេត្ត/រាជធានី
សមាគមអភិរក្សដំរីខ្មែរអៃរាវត្តា ថ្លែងអំណរគុណក្រុមហ៊ុន Jaguar Land Rover ដែលបានគាំទ្រ និងឧបត្ថម្ភថវិកា អភិរក្សសត្វដំរីនៅរតនគិរី
× ភ្នំពេញ៖ ក្រុមហ៊ុនរថយន្ត Jaguar Land Rover Cambodia កាលពីថ្ងៃទី២-៤ ខែធ្នូ ឆ្នាំ២០១៨កន្លងទៅ បាននាំអតិថជនដែលជាម្ចាស់រថយន្ត Land Rover ដ៏ទំនើប និងក្រុមការងារសរុបប្រមាណ២០នាក់ ទៅទស្សនាភូមិជនជាតិដើមភាគតិច, របាំជនជាតិ និងបឹងយក្សឡោម ក្នុងគោលបំណងលើកកម្ពស់វប្បធម៌ប្រពៃណីជនជាតិដើមភាគតិច។ ជាពិសេសេ ក្រុមហ៊ុន Jaguar Land Rover Cambodia និងអតិថិជន Land Rover បានចូលរួមគាំទ្រសកម្មភាពសមាគមមូលនិធិអភិរក្សដំរីខ្មែរអៃរាវត្តា និងលើកទឹកចិត្តក្រុមការងារអភិរក្សសត្វដំរី នៅស្រុកលំផាត់ ខេត្តរតនគិរី។
ក្រោយបានចុះទៅដល់សមាគមមូលនិធិអភិរក្សដំរីខ្មែរអៃរាវត្តា នៅក្នុងសហគមន៍កាទៀង នៃស្រុកលំផាត់ ខេត្តរតនគិរី ក្រុមហ៊ុន Jaguar Land Rover Cambodia គាំទ្រសកម្មភាពការអភិរក្សសត្វដំរី៤ក្បាលចុងក្រោយនៅរតនគិរី និងបានលើកទឹកចិត្តក្រុមការងារអភិរក្សសត្វដំរី ដែលខិតខំលះបង់កម្លាំងកាយចិត្តក្នុងការអភិរក្សសត្វដំរីទាំងនោះ។ ទន្ទឹមនឹងនេះ ក្រុមហ៊ុន Jaguar Land Rover Cambodia ក៏បានឧបត្ថម្ភថវិកាចំនួន១,៥០០ដុល្លារ រួមទាំងម្ចាស់រថយន្ត Land Rover ដ៏ទំនើប បានចូលរួមឧបត្ថម្ភថវិកាផ្ទាល់ខ្លួនមួយចំនួនទៀតផងដែរ។
ជាកិច្ចឆ្លើយតប លោក ស្រី ខៃ ចិន្តា ម្ចាស់សណ្ឋាគារទែរូ និងជាប្រធានសមាគមមូលនិធិអភិរក្សដំរីអៃរាវត្តា បានថ្លែងអំណរគុណជាអនេកប្បការចំពោះទឹកចិត្តដ៏ថ្លៃថ្លារបស់ក្រុមហ៊ុន Jaguar Land Rover Cambodia និងម្ចាស់រថយន្ត Land Rover រួមទាំងក្រុមការងារ ដែលជួយជ្រោមជ្រែងថែរក្សា និងអភិរក្សសត្វដំរី ដែលនៅមានចំនួនតិចតួចនៅក្នុងខេត្តរនគិរី។ លោក ស្រី ខៃ ចិន្តា ដែលបានចូលរួមនៅក្នុងដំណើរទស្សនកិច្ចរបស់ក្រុម Jaguar Land Rover Cambodia បានឲ្យដឹងដែរថា ក្រុមហ៊ុនរថយន្តដ៏ទំនើបមួយនេះនឹងធ្វើជាដៃគូសហការជាមួយនឹងសមាគមមូលនិធិអភិរក្សដំរីអៃរាវត្តាបន្តទៀតនៅថ្ងៃអនាគត៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com