ជាតិ
អ្នកជំនាញ៖ ការបរិភោគសាច់ជំរុញដល់ការកើនឡើងកំដៅផែនដី រូបភាពពីBBC
× ការសិក្សាមួយបស់សាកលវិទ្យាល័យ Oxford បានរកឃើញថាផលិតកម្មម្ហូបអាហារបានរួមចំណែកជំរុញដល់ការកើនឡើងនៃឧស្ម័នផ្ទះកញ្ចក់ដែលធ្វើឲ្យកំដៅផែនដីមានការកើនឡើង។ នេះបើយោងតាមការចុះផ្សាយសារព័ត៌មានBBC។
ក្រុមអ្នកស្រាវជ្រាវរកឃើញថា សាច់ និងផលិតផលធ្វើពីសត្វសាច់ បានធ្វើឲ្យមានការបំភាយឧស្ម័នផ្ទះកញ្ចក់រហូតដល់ទៅជាងពាក់កណ្តាល បើប្រៀបធៀបនឹងការបំភាយឧស្ម័នផ្ទះកញ្ចក់ចេញពីផលិតកម្មម្ហូបអាហារដែលមិនមែនជាសាច់។ ក្នុងចំណោមសាច់សត្វទាំងអស់ សាច់គោ និងសាច់ចៀម ត្រូវបានគេរកឃើញថាធ្វើឱ្យប៉ះពាល់បរិស្ថានធ្ងន់ធ្ងរជាងគេ។ ព្រោះសត្វប្រភេទទាំងនោះផលិតឧស្ម័នកាបូនច្រើន។
ក្រុមការងារអន្តររដ្ឋាភិបាលស្តីពីការប្រែប្រួលអាកាសធាតុ បានផ្តល់យោបល់ថា យើងគួរកាត់បន្ថយការទិញសាច់ ទឹកដោះគោ ឈីស និងបឺរ ហើយងាកមកទទួលទានផលិតក្នុងស្រុកតាមរដូវកាលវិញ និងសន្សំសំចៃលើការប្រើប្រាស់ឲ្យអស់ពីលទ្ធភាព។
ក្រុមការងារអន្តររដ្ឋាភិបាល ស្តីពីការប្រែប្រួលអាកាសធាតុបាននិយាយថា៖«យើងគួរប្រើប្រាស់អ៊ីសូឡងដើម្បីកាត់បន្ថយកំដៅក្នុងផ្ទះ ជំនួសការប្រើប្រាសម៉ាស៊ីនត្រជាក, ជិះរថភ្លើង ឬឡានក្រុង ជំនួសការប្រើប្រាសរថយន្តផ្ទាល់ខ្លួន»។
លោក Joseph Poore អ្នកសិក្សាស្រាវជ្រាវបានលើកឡើងថា អ្វីដែលយើងបរិភោគរាល់ថ្ងៃគឺបានរួមចំណែកបង្កឲ្យមានបញ្ហាបរិស្ថាននានាក្នុងពិភពលោក មិនថាការប្រែប្រួលអាកាសធាតុ ឬការបាត់បង់ជីវចម្រុះនោះទេ។ ការកាត់បន្ថយការញាំសាច់ និងការប្ដូឥរិយាបថនៃការរស់នៅប្រចាំថ្ងៃ បានជួយការការពារបរិស្ថានបានមួយចំណែកធំ ដោយវាជួយកាត់បន្ថយការបំពុលបរិយាកាស ការបំពុលទឹក រួមទាំងការបាត់បង់ព្រៃឈើផងដែរ៕
Tag:
បរិស្ថាន
ឧស្ម័នផ្ទះកញ្ចក់
អន្តរជាតិ
© រក្សាសិទ្ធិដោយ thmeythmey.com