ជាតិ
ក្រុមប្រឹក្សាសេដ្ឋកិច្ច សង្គមកិច្ច និងវប្បធម៌ ដឹកនាំដោយលោក យឹម ណុលឡា លោកទេសរដ្ឋមន្ត្រី យឹម ណុលឡា ប្រធាន និងលោក យឹម ណុលសន អនុប្រធានប្រចាំការ
× ភ្នំពេញ៖ លោក យឹម ណុលឡា ទេសរដ្ឋមន្ត្រីទទួលបេសកកម្មពិសេស បន្តតំណែងជាប្រធានក្រុមប្រឹក្សាសេដ្ឋកិច្ច សង្គមកិច្ច និងវប្បធម៌ (Ecosocc)។ នេះបើយោងតាមព្រះរាជក្រឹត្យចុះថ្ងៃទី១៣ ខែធ្នូ ឆ្នាំ២០១៨ ។ លោក យឹម ណុលឡា មានអនុប្រធាន៣រូប ដោយលោក យឹម ណុលសន ទទួលបន្ទុកប្រចាំការដែលមានឋានៈស្មើទេសរដ្ឋមន្ត្រី លោក លី គឹមសុខ លោក អ៊ីវ ថុង និងលោក ឆយ អូន មានឋានៈស្មើរដ្ឋមន្ត្រី។
តាមព្រះរាជក្រឹត្យដដែល ក្នុងចំណោមសមាជិកអចិន្ត្រៃយ៍ជាង៥០រូប មាន១១រូបឋានៈស្មើរដ្ឋមន្ត្រី ២០រូបឋានៈស្មើរដ្ឋលេខាធិការ និង២២រូបឋានៈស្មើអនុរដ្ឋលេខាធិការ។ លោកស្រី ស៊ុន សុគន្ធមាលា ក៏ជាសមាជិកម្នាក់ដែលមានឋានៈស្មើរដ្ឋលេខាធិការផងដែរ។
ជាមួយគ្នានេះ លោក អ៊ុន វ៉ាល់ឡឺរ៉ូ ដែលជាសមាជិកក្រុមប្រឹក្សា កាន់តំណែងជាអគ្គលេខាធិការដោយមានឋានៈស្មើរដ្ឋមន្ត្រី រីឯលោក ប៉ិច សុខាជាអគ្គលេខាធិការរងដែលមានឋានៈស្មើរដ្ឋលេខាធិការ។ អគ្គលេខាធិការរង៥រូបទៀត មាន២រូបឋានៈស្មើអនុរដ្ឋលេខាធិការ និង៣រូបឋានៈស្មើអគ្គនាយក។
គួរបញ្ជាក់ផងដែរថា លោក ឡេង ស្រេង ដែលជាសមាជិកម្នាក់មានឋានៈស្មើអនុរដ្ឋលេខាធិការ បានទទួលមរណភាពក្នុងអាយុ៤៦ឆ្នាំដោយរោគាពាធ កាលពីថ្ងៃទី១៥ ខែធ្នូ៕
Tag:
មហាក្សត្រ
អចិន្ត្រៃយ៍
រដ្ឋមន្ត្រី
ក្រុមប្រឹក្សា
© រក្សាសិទ្ធិដោយ thmeythmey.com