ក្រសួងកសិកម្មស្នើឲ្យជប៉ុនបង្កើតមជ្ឈមណ្ឌលភ្ញាស់ពូជត្រីនៅកម្ពុជា

ជាតិ

ក្រសួងកសិកម្មស្នើឲ្យជប៉ុនបង្កើតមជ្ឈមណ្ឌលភ្ញាស់ពូជត្រីនៅកម្ពុជា

28, Dec 2018 , 9:39 pm

រូបភាព

រូបពីក្រសួងកសិកម្ម រុក្ខប្រមាញ់ និងនេសាទ

ដោយ: ភួង វ៉ាន់ថា

ភ្នំពេញ៖ រដ្ឋមន្ត្រីក្រសួងកសិកម្ម រុក្ខប្រមាញ់ និងនេសាទ បានស្នើឲ្យរដ្ឋាភិបាលជប៉ុនជួយកសាងមជ្ឈមណ្ឌលភ្ញាស់ពូជត្រី និងការចិញ្ចឹមសត្វ សម្រាប់កសិករកម្ពុជា។ លោក វេង សាខុន ជួបជាមួយសមាជិកសភាជប៉ុន កាលពីថ្ងៃទី២៦ ខែធ្នូ ឆ្នាំ២០១៨។

ទីតាំងដែលលោក វេង សាខុន ស្នើទៅរដ្ឋាភិបាលជប៉ុន បង្កើតមជ្ឈមណ្ឌលភ្ញាស់ពូជត្រីនៅខេត្តព្រះសីហនុ និងមជ្ឈមណ្ឌលភ្ញាស់កូនត្រីទឹកសាប ។ «ស្នើជប៉ុនជួយគាំទ្រដល់ការអភិវឌ្ឍន៍សហគមន៍កសិកម្ម និងគាំទ្រការអភិវឌ្ឍន៍ការចិញ្ចឹមសត្វនៅកម្ពុជា ដោយប្រើប្រាស់ទឹកស្ពែមសិប្បនិមិ្មតស្របតាមបរិបទថ្មីនៃដំណើរការវិវត្តន៍នៃបដិវត្តឧស្សាហកម្ម ៤.០ និងសម័យឌីជីថល»។ នេះជាការលើកឡើងរដ្ឋមន្ត្រីក្រសួងកសិកម្ម ។

លោក វេង សាខុន ក៏បានស្នើដល់សមាជិកសភាជប៉ុន ជួយជំរុញឲ្យវិនិយោគទុនជប៉ុនមកវិនិយោគ និងកែច្នៃផលិតផលកសិកម្មនៅកម្ពុជា រួមទាំងជួយទិញផលិតផលកសិកម្មពីកម្ពុជាបន្ថែមទៀត។

រដ្ឋាភិបាលជប៉ុន នឹងបន្តពង្រឹងកិច្ចសហប្រតិបត្តិការ រវាងប្រទេសទាំងពីរឲ្យកាន់តែប្រសើរឡើង។ នេះជាការបញ្ជាក់របស់លោក Jun TSUSHIMA សមាជិកសភាជប៉ុន ។

រាជរដ្ឋាភិបាលជប៉ុន បានជួយគាំទ្រដល់ការអភិវឌ្ឍនៅកម្ពុជា ជាពិសេសលើការអភិវឌ្ឍហេដ្ឋារចនាសម្ព័ន្ធ និងគាំទ្រផ្នែកបច្ចេកទេសដល់កម្ពុជា ចាប់តាំងពីឆ្នាំ១៩៩១មក៕