ជាតិ
ការកសាងវិមានអនុស្សាវរីយ៍នយោបាយឈ្នះឈ្នះ ចំណាយថវិកាមិនតិចជាង ១២លានដុល្លារ
× ភ្នំពេញ៖ រដ្ឋាភិបាលកសាងវិមានអនុវស្សាវរីយ៍នយោបាយឈ្នះឈ្នះ ជានិមិត្តរូបសន្តិភាពតាមរយៈនយោបាយឈ្នះឈ្នះ ដែលបានបញ្ចប់សង្គ្រាមស៊ីវិលនៅកម្ពុជា នៅឆ្នាំ១៩៩៨ ដែលមកទល់ពេលនេះត្រូវជាខួបលើកទី២០ ។
វិមាននេះត្រូវបានចាប់ផ្ដើមកសាងនៅខែកុម្ភៈឆ្នាំ២០១៦ តាមរចនាបទខ្មែរបុរាណ និង ទំនើប មានកម្ពស់ ៥៤ម៉ែត្រ លើផ្ទៃដីបរិវេណសរុបជាង ៨ហិកតា។
ការស្ថាបនាសំណង់វិមានអនុស្សាវរីយ៍នយោបាយឈ្នះឈ្នះនេះ ត្រូវបានប្រើប្រាស់ថវិការដ្ឋ និងសប្បុរសជន។ បើតាមការថ្លែងរបស់សម្ដេច ទា បាញ់ រដ្ឋមន្ត្រីក្រសួងការពារជាតិ និងជាប្រធានគណៈកម្មការ វិមាននេះ ថវិកានៃការចំណាយទាំងអស់ មិនទាន់បូកសរុបហើយនៅឡើយ។ ប៉ុន្តែយោងតាមប្រសាសន៍សម្ដេចនាយករដ្ឋមន្ត្រី ហ៊ុន សែន ដែលជាអធិបតីក្នុងពិធីបើកសម្ពោធវិមានអនុស្សាវរីយ៍នយោបាយឈ្នះឈ្នះ នៅថ្ងៃទី២៩ខែធ្នូនេះ ការចំណាយបឋមគឺប្រើប្រាស់ថវិកាជាង ១២លានដុល្លារអាមេរិក ដែលភាគច្រើនជាថវិការបស់សាលារាជធានីភ្នំពេញ ហើយត្រៀមបន្ថែមមួយចំនួនទៀត ខណៈបរិវេណនៃវិមាននេះមិនទាន់ស្ថាបនារួចរាល់ទាំងស្រុង៕
© រក្សាសិទ្ធិដោយ thmeythmey.com