ក្រសួងពាណិជ្ជកម្ម រកចំណូលបានជាង ៨២លានដុល្លារ ក្នុងឆ្នាំ២០១៨

ជាតិ

សេដ្ឋកិច្ច

ក្រសួងពាណិជ្ជកម្ម រកចំណូលបានជាង ៨២លានដុល្លារ ក្នុងឆ្នាំ២០១៨

29, Dec 2018 , 10:19 pm

រូបភាព

ដោយ: អ៊ូ សុខមាន (OU Sokmean)

ភ្នំពេញ៖ ក្រសួងពាណិជ្ជកម្មកម្ពុជា ទទួលបានប្រាក់ចំណូល ជាង៨២លានដុល្លារ ក្នុងឆ្នាំ២០១៨។ ចំណុលនេះ បានពីពន្ធគយ និងសេវាសាធារណៈ។ នេះបើតាមរបាយការណ៍បូកសរុបប្រចាំរបស់ក្រសួងពាណិជ្ជកម្ម។

របាយការណ៍នេះ បានបង្ហាញថា ចំណូលពីពន្ធគយ ២៨,៧៥លានដុល្លារ លើសេវាត្រួតពិនិត្យគុណភាពទំនិញ ដែលអគ្គនាយកដ្ឋានកាំកុងត្រូល ជាសេនាធិការ របស់ក្រសួងពាណិជ្ជកម្ម។ ប្រាក់ចំណូលពីពន្ធគយកើនឡើងជិត១៣ភាគរយ បើធៀបនឹងឆ្នាំ២០១៧។ ដោយឡែកចំណូល ៥២,៧៨លានដុល្លារទៀត បានពីសេវាសាធារណៈ។

ជាមួយគ្នា របាយការណ៍នេះក៏បានបង្ហាញពីការចំណាយរបស់ក្រសួងផងដែរ ដែលមានចំនួន២៧,១១ លានដុល្លារ៕