លោក ព្រាប កុល ក្លាយជាសមាជិកប្រឹក្សាភិបាលនៃពានរង្វាន់ Allard Prize

ជាតិ

សង្គមជាតិ

លោក ព្រាប កុល ក្លាយជាសមាជិកប្រឹក្សាភិបាលនៃពានរង្វាន់ Allard Prize

06, Jan 2019 , 4:59 pm

រូបភាព

រូបពីហ្វេសប៊ុកលោក ព្រាប កុល

ដោយ: ភួង វ៉ាន់ថា

ភ្នំពេញ៖ លោក ព្រាប កុល នាយកប្រតិបត្តិអង្គការតម្លាភាពកម្ពុជា បានក្លាយជាសមាជិកក្រុមប្រឹក្សាភិបាល នៃពានរង្វាន់ Allard Prize របស់ស្ថានប័នអន្តរជាតិ។

លោក ព្រាប កុល ដែលទទួលដំណឹងនេះ ពីសាកលវិទ្យាល័យ British Columbia ប្រទេសកាណាដា បានសរសេរលើហ្វេសប៊ុកខ្លួនថា៖ «ខ្ញុំជាកូនខ្មែរទី១ ដែលទទួលបានការអញ្ជើញឱ្យកាន់មុខតំណែងនេះ នៅក្នុងស្ថាប័ន ដ៏មានកេរ្តិ៍ឈ្មោះមួយនេះ»។

បើតាមលោក ព្រាប កុល ពានរង្វាន់ Allard Prize សម្រាប់សុចរិតភាពអន្តរជាតិនេះ គឺទឹកប្រាក់ចំនួន ១០,០០០០ ដុល្លារ សម្រាប់ផ្តល់ជូនដល់សកម្មជនប្រឆាំងអំពើពុករលួយ និងសកម្មជនសិទ្ធិមនុស្ស ដែលប្រថុយជីវិត និងការគ្រោះថ្នាក់នានា ដើម្បីបុព្វហេតុពិភពលោកមានភាពស្អាតស្អំ និងការគោរពសិទ្ធិមនុស្ស។

សារព័ត៌មានថ្មីៗមិនអាចទាក់ទងសុំការបញ្ជាក់បន្ថែមអំពីរឿងនេះ ពីលោក ព្រាប កុល បាននៅឡើយទេ ៕