ជាតិ
២៥ខេត្ត/រាជធានី
រដ្ឋមន្ត្រីក្រសួងព័ត៌មាន សរសើរផលិតផល«តែម្រេចខ្មែរ»ស្តង់ដារអន្តរជាតិ
×![]()
ដោយ: ថ្មីៗ
ភ្នំពេញ៖ លោករដ្ឋមន្ត្រីក្រសួងព័ត៌មាន ខៀវ កាញារីទ្ធ បានសរសេរនៅក្នុងហ្វេសប៊ុករបស់លោក ក្នុងន័យគាំទ្រ និងសរសើរដល់ក្រុមហ៊ុនកូនខ្មែរដែលបានកែច្នៃផលិតកញ្ចំផ្កាម្រេចសរីរាង្គកំពត យ៉ាងដូច្នេះថា៖ «ផលិតផលថ្មីមួយទៀតរបស់កម្ពុជាលើទីផ្សារអន្តរជាតិ នោះគឺ តែកម្ចាត់ជាតិពុលម៉ាក Kirum របស់ក្រុមហ៊ុន Confirel ដែលធ្វើឡើងពីទងម្រេចកំពត។ បច្ចុប្បន្ន ក្រុមហ៊ុននេះបានដាក់អាជ្ញាប័ណ្ណផ្តាច់មុខពីរូបមន្តផលិតតែនេះជិត៥០ប្រទេសហើយ»។
«តែកញ្ចុំផ្កាម្រេចកំពត»នេះ ត្រូវបានបង្កើតដោយក្រុមហ៊ុន Confirel ហើយទទួលបានវិញ្ញាបនបត្របញ្ជាក់ពីកម្មសិទ្ធិបញ្ញា ដែលបានកែច្នៃតែម្រេចពីទងផ្កាម្រេចសុទ្ធ១០០ភាគរយ ពីប្រទេសបារាំង, អាមេរិក, កាណាដា, ជប៉ុន និងប្រទេសចិនជាដើម។
អ្នកជំនួញកសិកម្មលោក ហៃ លីអ៊ាង ដែលត្រូវបានគេស្គាល់ថា ជាអ្នកមានគំនិតច្នៃប្រឌិតច្រើន និងចូលចិត្តបង្កើតអ្វីដែលថ្មីនោះ បានឲ្យដឹងផងដែរថា «តែកញ្ចុំផ្កាម្រេចកំពត»នេះ បានដាក់លក់នៅក្នុងផ្សារទំនើបធំៗ និងឱសថស្ថានមួយចំនួននៅក្នុងប្រទេសកម្ពុជា និងបាននាំចេញទៅទីផ្សារអឺរ៉ុប, នៅក្នុងប្រទេសអាស៊ានមួយចំនួន, និងចាប់ផ្តើមនាំទៅទីផ្សារអាមេរិចផងដែរ៕
អ្នកជំនួញលោក ហៃ លីអ៊ាង ស្ថាបនិកក្រុមហ៊ុន Confirel និងក្រុមហ៊ុនឱសថ PPM បញ្ជាក់យ៉ាងដូច្នេះ មុននឹងលោកបញ្ជាក់បន្ថែមថា វិញ្ញាបនបត្រកម្មសិទ្ធិបញ្ញាជាលក្ខណអន្តរជាតិនេះ គ្មាននរណាម្នាក់ ឬក្រុមហ៊ុនក្នុងស្រុក និងអន្តរជាតិណាមួយ អាចលួចចម្លងរូបមន្តរបកគំហើញ«តែកញ្ចុំផ្កាម្រេចកំពត» របស់ក្រោមហ៊ុន Confirel បានឡើយក្នុងរយៈពេល២០ឆ្នាំដំបូង។ ក្រៅពីរសជាតិឈ្ងុយឆ្ងាញ់ នៅក្នុង«តែកញ្ចុំផ្កាម្រេចកំពត»នេះ ក្រុមហ៊ុន Confirel បានសិក្សាស្រាវជ្រាវឃើញថា មានសារធាតុអាចជួយរំលាយអាហារ, សម្រកទម្ងន់ និងបញ្ចេញជាតិពុលក្នុងខ្លួនផងដែរ។
អត្ថបទទាក់ទង
អ្នកជំនួញកសិកម្មលោក ហៃ លីអ៊ាង ដែលត្រូវបានគេស្គាល់ថា ជាអ្នកមានគំនិតច្នៃប្រឌិតច្រើន និងចូលចិត្តបង្កើតអ្វីដែលថ្មីនោះ បានឲ្យដឹងផងដែរថា «តែកញ្ចុំផ្កាម្រេចកំពត»នេះ បានដាក់លក់នៅក្នុងផ្សារទំនើបធំៗ និងឱសថស្ថានមួយចំនួននៅក្នុងប្រទេសកម្ពុជា និងបាននាំចេញទៅទីផ្សារអឺរ៉ុប, នៅក្នុងប្រទេសអាស៊ានមួយចំនួន, និងចាប់ផ្តើមនាំទៅទីផ្សារអាមេរិចផងដែរ៕
Tag:
Confirel
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
