ពីនេះ ពីនោះ
រូបត្លុក
ខ្ជិលធ្វើការណាស់…តែពេលអត់ការងារធ្វើស្រែកថា ស្ត្រេស (Stress) ណាស់លោកអើយ!
× ភ្នំពេញ៖ ជាធម្មតា ហើយជាលក្ខណៈធម្មជាតិ គ្មាននរណាម្នាក់ចង់ធ្វើការងារនោះទេ។ ប៉ុន្តែដើម្បីរស់ និងដើម្បីអភិវឌ្ឍខ្លួនឯង សហគមន៍ ឬសង្គមជាតិទាំងមូល, បុគ្គលម្នាក់ត្រូវតែចូលរួមក្នុងការងារនានាដើម្បី ទី១៖ ធានាសេដ្ឋកិច្ចគ្រួសារ និងទី២ គឺដើម្បីលើកកម្ពស់សកម្មភាពសេដ្ឋកិច្ចជាតិទាំងមូលនិយាយជារួម។
ជាការពិត គ្មាននរណាចង់ធ្វើការមែន។ ប៉ុន្តែ បើគ្មានការងារធ្វើ បុគ្គលម្នាក់ៗពិតជាពិបាកទ្រាំនឹងសកម្មភាពទំនេរណាស់ ព្រោះ ភាពទំនេរ-មិនធ្វើអ្វី ធ្វើឲ្យពេលវេលាដើរយឺតណាស់។ តែបើធ្វើការវិញ ពេលវេលាពិតជាដើរលឿនទៅមុខណាស់។ ចំពោះរឿងការងារនេះ, បុគ្គលពីរប្រភេទ ច្រើនសម្រេចខុសៗគ្នា។ បុគ្គលប្រភេទទី១ ច្រើនគិតថា ធ្វើការនេះធុញណាស់ ការងារនេះមិនចូលចិត្តធ្វើវាទេ ស្អប់ការងារនេះណាស់ អ្នកធ្វើការជាមួយគ្នាយ៉ាប់ណាស់។ ប៉ុន្តែ នៅពេលអត់ការងារធ្វើ ចិត្តរបស់បុគ្គលប្រភេទី១ កាន់តែលំបាកជាងមុនទៅទៀត។ គ្មានប្រាក់ខែច្បាស់លាស់ អត់ធ្វើអ្វីសោះ ពេលនោះ ស្ត្រេស កាន់តែកើនឡើង។
បុគ្គលប្រភេទទី២ ច្រើនឲ្យតម្លៃទៅលើការងារដោយចាត់ទុកការងារថា ជាថ្នាំបំបាត់ភាពមួម៉ៅ (ស្ត្រេស)។ សម្រាប់បុគ្គលប្រភេទទី២នេះ, គ្មានការងារធ្វើបង្កើតជំងឺស្ត្រេសទៅវិញ។ បុគ្គលទី២ បានបង្រៀនចិត្តខ្លួនគេឲ្យស្រឡាញ់ការងារ សប្បាយជាមួយការងារ និងទទួលខុសត្រូវលើការងារ។ នៅពេលដែលគេសប្បាយចិត្តនឹងការងារ ពេលនោះ បុគ្គលទី ២ មិនដែលនឹកឃើញឡើយរឿងធុញទ្រាញ់នឹងការងារ ឬស្ត្រេសនឹងការងារ៕
© រក្សាសិទ្ធិដោយ thmeythmey.com