អត្ថបទពាណិជ្ជកម្ម
ជើងខ្លាំង៤ក្រុមនៃពានរង្វាន់ Tiger Street Football Festival 2019 ប្រចាំមណ្ឌលខេត្តតាកែវ ឡើងទៅវគ្គផ្តាច់ព្រ័ត្រនៅរាជធានីភ្នំពេញ
× ខេត្តតាកែវ៖ព្រឹត្តិការណ៍ប្រកួតបាល់ទាត់Tiger Street Football Festival 2019ប្រចាំមណ្ឌលខេត្តតាកែវដែលជាមណ្ឌលទី២បានរកឃើញម្ចាស់ជើងឯក ឡើងទៅប្រកួតវគ្គផ្ដាច់ព្រ័ត្រនៅរាជធានីភ្នំពេញហើយ។
ក្រុមទាំង៤ ដែលបានឡើងទៅវគ្គផ្ដាច់ព្រ័ត្រ ក្នុងនោះមានក្រុមយាន្តដ្ឋានសំណាង១ ដែលបានយកឈ្នះលើក្រុមក្លិបកីឡាដូនកែវ “A” ក្នុងលទ្ធផល៣ទល់២ នៅថ្ងៃទី១៣ ខែមករា ឆ្នាំ២០១៩ នៅផ្សារបុរីរស្មី ទីរួមខេត្តតាកែវ ។
ចំណែកក្រុម CTB “B” ទទួលបានចំណាត់ថ្នាក់លេខ៣ ក្រោយពីឈ្នះលើក្រុមភូមិស្នោFC ក្នុងលទ្ធផល ៥ទល់២ នៅវគ្គផ្តាច់ព្រ័ត្រ។ សម្រាប់រង្វាន់ក្រុមជើងឯកប្រចាំមណ្ឌលខេត្តតាកែវ ក្រុមក្រុមយាន្តដ្ឋានសំណាង១ ទទួលបានប្រាក់រង្វាន់ ១០០០ដុល្លារ ,ក្រុមជើងឯករងបានទៅលើក្រុមក្លិបកីឡាដូនកែវ “A” ប្រាក់រង្វាន់ ៧០០ដុល្លារ ,ចំណាត់ថ្នាក់លេខ៣ បានទៅលើក្រុម CTB “B”ប្រាក់រង្វាន់៣៥០ដុល្លារ និងចំណាត់ថ្នាក់លេខ៤ បានទៅលើក្រុមភូមិស្នោFC ប្រាក់រង្វាន់១៥០ ដុល្លារ និងស្រាបៀថៃហ្គ័រ។
ដោយឡែកសម្រាប់ខេត្តតាកែវដែលជាមណ្ឌលទី២នេះ គណៈកម្មាធិការរៀបចំការប្រកួតយកតែ៤ក្រុមតែប៉ុណ្ណោះ ដើម្បីឲ្យទៅចូលរួមការប្រកួតវគ្គផ្តាច់ព្រ័ត្រទូទាំងប្រទេស នៅរាជធានីភ្នំពេញ ថ្ងៃទី១៦ និងទី១៧ មីនា ២០១៩ ខាងមុខនេះ ជាពិសេសមានឱកាស ជួបផ្ទាល់ជាមួយកំពូលតារាបាល់ទាត់អន្តរជាតិ គឺកីឡាករបាល់ទាត់ Ronaldinho។
សូមរង់ចាំជួបគ្នានៅមណ្ឌលកំពង់ស្ពឺដែលជាខេត្តបន្ទាប់ នៅថ្ងៃ ទី ២០ ខែ មករា ឆ្នាំ២០១៩ ។ស្រាបៀថៃហ្គ័រជាស្រាបៀ ដែលមានគុណភាពខ្ពស់លំដាប់ថ្នាក់អន្តរជាតិមានដើមកំណើតតាំងពីឆ្នាំ១៩៣២នៅប្រទេសសិង្ហបុរី និងមានលក់នៅច្រើនជាង៧០ប្រទេសនៅទូទាំងពិភពលោក ហើយស្រាបៀថៃហ្គ័រឈ្នះពានរង្វាន់លំដាប់ថ្នាក់អន្តរជាតិច្រើនជាង៤០មេដាយផ្នែករសជាតិ និងគុណភាព។
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com