អត្ថបទពាណិជ្ជកម្ម
តារាផេចាប់ដៃគូជាមួយធនាគារប្រៃសណីយ៍កម្ពុជា និងគ្រឹះស្ថានហ្វូណនមីក្រូហិរញ្ញវត្ថុលើការផ្ដល់សេវាទូទាត់ការសងប្រាក់កម្ចីពីអតិថិជន
× ក្រុមហ៊ុនតារាផេដែលជាក្រុមហ៊ុនផ្ដល់សេវាកាបូបលុយអេឡិចត្រូនិកចល័តនិងដំណោះស្រាយក្នុងការទូទាត់សាច់ប្រាក់ដែលរីកចម្រើនរហ័ស និងឈានមុខគេមួយនៅកម្ពុជា បានចុះហត្ថលេខាលើកិច្ចព្រមព្រៀងភាពជាដៃគូលើការផ្ដល់សេវាទូទាត់ការសងប្រាក់កម្ចីពីអតិថិជនជាមួយធនាគារ ប្រៃសណីយ៍កម្ពុជា និងគ្រឹះស្ថានហ្វូណនមីក្រូហិរញ្ញវត្ថុ។កិច្ចព្រមព្រៀងភាពជាដៃគូនេះបានបង្ហាញពីជំនឿចិត្តដ៏មុតមាំដែលធនាគារ ប្រៃសណីយ៍កម្ពុជា និងគ្រឹះស្ថានហ្វូណនមីក្រូហិរញ្ញវត្ថុមានមកលើក្រុមហ៊ុនតារាផេក្នុងការធ្វើជាបណ្ដាញប្រតិបត្តិការហិរញ្ញវត្ថុបន្ថែមសម្រាប់អតិថិជនទូទាត់សងប្រាក់កម្ចីទៅកាន់ធនាគារ។
ពិធីចុះកិច្ចព្រមព្រៀងនេះបានធ្វើឡើងនៅសណ្ឋាគារ Dara Airport និងមានការចូលរួមពីសំណាក់ភ្ញៀវកិត្តិយសជាតិ និងអន្តរជាតិច្រើនជាង ១០០នាក់ មកពីស្ថាប័នទាំងបី ដោយមានទាំងថ្នាក់ដឹកនាំនៃស្ថាប័នទាំងបី និងបណ្ដាអ្នកសារព័ត៌មានផងដែរ។ តាមរយៈភាពជាដៃគូនេះ អតិថិជនទាំងអស់នឹងអាចទូទាត់សងប្រាក់កម្ចីទៅកាន់ធនាគារជាប្រាក់រៀល ឬប្រាក់ដុល្លារដោយងាយស្រួល និងសុវត្ថិភាពតាមរយៈភ្នាក់ងារតារាផេជាង ២៧០០ កន្លែងនៅទូទាំងប្រទេសកម្ពុជា។ ដោយមិនចាំបាច់ចំណាយពេលធ្វើដំណើរទៅកាន់សាខារបស់ធនាគារ ប្រៃសណីយ៏កម្ពុជា ឬគ្រឹះស្ថានហ្វូណនមីក្រូហិរញ្ញវត្ថុ អតិថិជនទាំងអស់អាចទូទាត់សងប្រាក់កម្ចីបាននៅភ្នាក់ងារណាមួយរបស់តារាផេដែលមានទីតាំងនៅជិតផ្ទះ ឬកន្លែងធ្វើការរបស់ពួកគាត់បាន។
លោក តូច ចៅចេក ប្រធាននាយកប្រតិបត្តិ នៃធនាគារ ប្រៃសណីយ៏កម្ពុជាបានមានប្រសាសន៍ថា៖ “តាមរយៈភាពជាដៃគូសហការគ្នានេះ អតិថិជនរបស់យើងអាចទូទាត់សងប្រាក់កម្ចីត្រលប់ទៅកាន់ធនាគារ ប្រៃសណីយ៏កម្ពុជាបានយ៉ាងងាយស្រួល តាមរយៈភ្នាក់ងារតារាផេដែលមាននៅទូទាំងប្រទេសកម្ពុជា។ បន្ថែមពីលើនេះដែរ សេវាកម្មថ្មីនេះនឹងជួយដល់អតិថិជនដែលត្រូវការទូទាត់សងប្រាក់កម្ចី ក្នុងកំឡុងថ្ងៃឈប់សម្រាក ឬថ្ងៃចុងសប្ដាហ៍។ មិនតែប៉ុណ្ណោះ អតិថិជនក៏អាចទូទាត់សងប្រាក់កម្ចីតាមរយៈតារាផេ App ផងដែរ ដែលផ្ដល់ឲ្យអតិថិជននូវភាពងាយស្រួល និងសុវត្ថិភាពមួយកម្រិតទៀត។ ជម្រើសម្យ៉ាងទៀត អតិថិជនអាចវេរលុយពីគណនីសន្សំ ឬគណីចរន្ដក្នុងធនាគារ ប្រៃសណីយ៏កម្ពុជាទៅកាបូបលុយអេឡិចត្រូនិកតារាផេ តាមរយៈកម្មវិធីធនាគារចល័តរបស់ធនាគារ ប្រៃសណីយ៏កម្ពុជា ឬវេរលុយពីកាបូបលុយអេឡិចត្រូនិកចល័តតារាផេទៅគណនីសន្សំ ឬគណនីចរន្ដក្នុងធនាគារប្រៃសណីយ៏កម្ពុជាតាមរយៈតារាផេ App ដោយឥតគិតថ្លៃ គ្រប់ពេលវេលា និងគ្រប់ទីកន្លែង។”
លោក ឃូ ប៊ុន ទ្រី ប្រធាននាយកប្រតិបត្តិនៃ គ្រឹះស្ថានហ្វូណនមីក្រូហិរញ្ញវត្ថុ បានមានប្រសាសន៍ថា “ក្នុងនាមជាស្ថាប័នមីក្រូហិរញ្ញវត្ថុដ៏ឈាមមុខគេមួយនៅក្នុងប្រទេសកម្ពុជា គ្រិះស្ថានហ្វូណនមីក្រូហិរញ្ញវត្ថុមានគោលបំណងលើកកម្ពស់ជីវភាពរស់នៅ និងការរីកលូតលាស់នៃអាជីវកម្មរបស់ប្រជាជនកម្ពុជានៅតាមបណ្ដាខេត្ត និងទីក្រុងនានា។ ការចុះហត្ថលេខាលើកិច្ចព្រមព្រៀងភាពជាដៃគូនៅថ្ងៃនេះបានបង្ហាញពីការប្ដេជ្ញាចិត្តរបស់យើងខ្ញុំក្នុងការផ្ដល់នូវដំណោះស្រាយនៃការទូទាត់សាច់ប្រាក់ដ៏ងាយស្រួល រហ័ស និងមានសុវត្ថិភាពជូនដល់ប្រជាជនកម្ពុជា។”
លោក ភុក រដ្ឋា ជានាយកគ្រប់គ្រងទូទៅនៃក្រុមហ៊ុនតារាផេ បានមានប្រសាសន៍ថា៖ “DaraPay មានទស្សនៈវិជ្ជមានចំពោះទីផ្សារប្រទេសកម្ពុជា ហើយក្នុងឆ្នាំនេះដែរ ក្រុមហ៊ុនមានបំណងគ្របដណ្ដប់ទៅលើទីផ្សារសេវាទូទាត់ចល័តនៅប្រទេសកម្ពុជា។ កិច្ចព្រមព្រៀងភាពជាដៃគូសហការគ្នាជាមួយធនាគារ ប្រៃសណីយ៏កម្ពុជា និងគ្រិះស្ថានហ្វូណនមីក្រូហិរញ្ញវត្ថុនៅថ្ងៃនេះបង្ហាញពីការប្ដេជ្ញា ចិត្តដ៏មុតមាំរបស់យើងខ្ញុំក្នុងការបើកបង្ហាញពីទស្សនវិស័យរបស់យើងខ្ញុំ។ ប្រភេទនៃដំណោះស្រាយហិរញ្ញវត្ថុដែលស្ថិតនៅក្នុងគោលដៅចម្បង សម្រាប់ឆ្នាំ ២០១៩ នេះរួមមានការបង្កើតប្រព័ន្ធអេកូហិរញ្ញវត្ថុដែលអាចផ្តល់ភាពងាយស្រួលឲ្យអតិថិជនប្រើប្រាស់ផលិតផលហិរញ្ញវត្ថុតាមរយៈ បណ្តាញរបស់តារាផេទូទាំងប្រទេស ដោយរាប់ចាប់ពីការណែនាំកម្ចីទៅកាន់អតិថិជន សេវាទម្លាក់ប្រាក់កម្ចីជូនអតិថិជន សេវាប្រមូលប្រាក់កម្ចីត្រលប់ទៅគ្រឹះស្ថានហិរញ្ញវត្ថុវិញ និង សេវាប្រតិបត្តិការហិរញ្ញវត្ថុដទៃទៀតដោយអតិថិជនមិនចាំបាច់ទៅកាន់សាខាគ្រឹះស្ថានហិរញ្ញវត្ថុដោយផ្ទាល់។”
បន្ថែមពីលើសេវាទូទាត់សងប្រាក់កម្ចីដែលទើបតែបង្កើតឡើងនេះដែរ ក្រុមហ៊ុនតារាផេមានផ្ដល់សេវាកម្ម និងផលិតផលហិរញ្ញវត្ថុជាច្រើនរួមមានសេវាវេរលុយក្នុងប្រទេសទូទាំង២៥ ខេត្តក្រុង ដាក់ប្រាក់/ដកប្រាក់ បញ្ចូលកាតទូរស័ព្ទ ទូទាត់វិក្កយបត្រ និងថ្លៃទឹក-ភ្លើង សេវាណែនាំកម្ចីទៅកាន់អតិថិជន ទូទាត់ប្រាក់ជាមួយដៃគូពាណិជ្ជករ ទូទាត់ប្រាក់អនឡាញ និងសេវាទូទាត់ប្រាក់ខែជូនបុគ្គលិក។
ថ្មីៗនេះ ក្រុមហ៊ុនតារាផេមានភ្នាក់ងារជាង ២,៧០០ កន្លែងនៅទូទាំងប្រទេសកម្ពុជា និងមានដៃគូពាណិជ្ជករជាង ២០០០ កន្លែងដែលទទួលយកការទូទាត់ប្រាក់តាមរយៈតារាផេ App (កាបូបលុយអេឡិចត្រូនិកចល័តរបស់តារាផេ) ហើយដៃគូពាណិជ្ជកររបស់តារាផេមានខុសៗគ្នានៅតាមបណ្ដាឧស្សាហកម្មជាច្រើនមានដូចជា យានជំនិះ ម្ហូបអាហារ និងភេសជ្ជះ សំលៀកបំពាក់ សណ្ឋាគារ រោងភាពយន្ដ ការកក់សំបុត្រឡានក្រុង និងសំបុត្រយន្ដហោះ និងការទិញទំនិញអនឡាញ។ក្នុងពេលឆាប់ៗនេះ ក្រុមហ៊ុនតារាផេនឹងរៀបចំពិធីចុះកិច្ចព្រមព្រៀងភាពជាដៃគូជាមួយស្ថាប័នហិរញ្ញវត្ថុដទៃទៀតជាច្រើនដើម្បីផ្ដល់ឲ្យនូវផលិតផល និងសេវាហិរញ្ញវត្ថុដែលរហ័ស ងាយស្រួល និងមានសុវត្ថិភាពជូនដល់អតិថិជនគ្រប់ស្រទាប់វណ្ណៈ៕
© រក្សាសិទ្ធិដោយ thmeythmey.com