អត្ថបទពាណិជ្ជកម្ម
ក្រុមហ៊ុនជីប ម៉ុង លែន និងជីប ម៉ុង រីថេល រួមគ្នាបង្កើតមជ្ឈមណ្ឌលផ្សារទំនើបដែលផ្តល់ភាពជឿជាក់ និងទាន់សម័យដល់អតិថិជន
× ក្រុមហ៊ុនជីបម៉ុង លែន និងជីបម៉ុង រីថេល បានប្រកាសពីកិច្ចសហការរួមគ្នា រវាងគម្រោងលំនៅដ្ឋានរបស់ ជីបម៉ុង លែន និងគម្រោងមជ្ឃមណ្ឌលពាណិជ្ជកម្មរបស់ជីប ម៉ុង រីថេល ដើម្បីនាំយកភាពជឿជាក់ និងភាពទាន់សម័យជូនដល់ប្រជាពលរដ្ឋកម្ពុជា។ ការប្រកាសនេះ ធ្វើឡើងក្នុងសន្និសីទសារព័ត៌មានកាលពីថ្ងៃទី២៣ ខែមករា ឆ្នាំ ២០១៩ ដោយមានការចូលរួមពីសំណាក់ថ្នាក់ដឹកនាំ និងបុគ្គលិក និងភ្ញៀវកិត្តិយសជាច្រើនរួបទៀត។
គម្រោងនេះ គឺផ្តោតទៅលើភាពជឿជាក់ក្នុងការរស់នៅក្នុងលំនៅដ្ឋាន ដែលប្រកបដោយប្រណិតភាព និងគុណភាព ក្នុងតំបន់ដែលមានមណ្ឌលផ្សារទំនើប ដែលនាំយកនូវបទពិសោធន៍ថ្មី ភាពស៊ីវីល័យ និងទាន់សម័យ ដើម្បីផ្តល់ភាពងាយស្រួលដល់ប្រជាពលរដ្ឋ ដែលរស់នៅក្នុងគម្រោងលំនៅឋានរបស់ជីបម៉ុង លែន ដោយពុំចាំបាច់ធ្វើដំណើរឆ្ងាយនោះទេ។
លោក លាង ហេនរី អគ្គនាយកកក្រុមហ៊ុន ជីប ម៉ុង លែន បានថ្លែងក្នុងសន្និសីទសារព័ត៌មាន ថា ការចាប់ដៃគូជាមួយក្រុមហ៊ុនជីបម៉ុង រីថេល គឺជាជម្រើសយុទ្ធសាស្ត្រដ៏ល្អបំផុត ក្នុងការនាំយកភាពជឿជាក់ និងភាពទាន់សម័យជូនប្រជាពលរដ្ឋ តាមរយៈការបង្កើតមណ្ឌលផ្សារទំនើប ក្នុងបរិវេណគម្រោងអភិវឌ្ឍន៍លំនៅឋានរបស់ ក្រុមហ៊ុន ជីប ម៉ុង លែន ស្របពេលដែលប្រជាពលរដ្ឋកម្ពុជា និយមរស់នៅក្នុងតំបន់ដែលមានភាពងាយស្រួល និងទាន់សម័យ។ លោក លាង ហេនរី បន្ថែមថា ៖«តាមរយៈការសហការជាមួយក្រុមហ៊ុន ជីប ម៉ុង រីថេល ដើម្បីបង្កើតមណ្ឌលផ្សារទំនើបក្នុងតំបន់លំនៅដ្ឋានរបស់យើងនេះ កាន់តែធ្វើឲ្យតំបន់នោះ មានសក្តានុពលខ្ពស់ និងផ្តល់ភាពងាយស្រួលក្នុងការរស់នៅ ក៏ដូចជាអនុញ្ញាតឲ្យអតិថិជនដែលរស់នៅក្នុង និងក្រៅគម្រោង ជីប ម៉ុង លែន អាចមកកម្សាន្ត នៅតាមមជ្ឈមណ្ឌលពាណិជ្ជកម្មនានារបស់ ជីប ម៉ុង រីថេល បានដោយងាយស្រួល»។
លោក ម៉ៃខល វ៉ុង នាយកផ្នែកមជ្ឃមណ្ឌលពាណិជ្ជកម្ម និងអាគារពាណិជ្ជកម្ម របស់ជីប ម៉ុង រីថេល បានក៏បានដឹងក្នុងសន្និសីទសារព័ត៌មាននេះដែរថា ក្រុមហ៊ុនទាំងពីរ នឹងបន្តចាប់ដៃគូ សហការគ្នា ក្នុងតំបន់ដែលមានសក្កានុពលខ្ពស់ ដើម្បីបង្កើតគម្រោង អភិវឌ្ឍលំនៅដ្ឋាន ដែលមានមជ្ឈមណ្ឌលពាណិជ្ជកម្ម ដើម្បីបម្រើតម្រូវការរបស់ប្រជាពលរដ្ឋដែលរស់នៅក្នុងតំបន់នោះ។
គួររំលឹកថា បច្ចុប្បន្នក្រុមហ៊ុនជីប ម៉ុង លែន និង ជីប ម៉ុង រីថេល កំពុងវិនិយោគរួមគ្នាលើគម្រោងធំៗ ចំនួន ៣ គឺគម្រោង The Park Land Sensok នៅតាមបណ្ដាយផ្លូវម៉ុង ឫទ្ធី The Park Land 598 ស្ថិតនៅតាមបណ្ដាយផ្លូវជា សុផារ៉ា និងThe Land Mark 271 ដែលស្ថិតនៅលើផ្លូវ ២៧១៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com