ជាតិ
អត្ថបទពាណិជ្ជកម្ម
បុរី ARATA ប្រគល់គេហដ្ឋានផ្នែកទី១ជូនអតិថិជន
× កាលពីថ្ងៃទី ២៦ ខែមករា ឆ្នាំ២០១៩ គម្រោងទី១នៃ បុរី ARATA បានធ្វើពីធីប្រគល់គេហដ្ឋានជូនអតិថិជន ដែលក្នុងនោះមានផ្ទះសរុប ២៣៧ផ្ទះ ដោយមានទាំង ផ្ទះរោង វីឡាកូនកាត់ និងវីឡាភ្លោះ។ កម្មវិធីនេះមានកាចូលរួមពីសំណាក់ថ្នាក់ដឹកនាំ បុគ្គលិក និង ភ្ញៀវកិត្តិយសជាច្រើនផងដែរ។ អ្វីដែលពិសេសនោះមានការប្រគល់ជូនរង្វាន់ជាច្រើនជូនដល់ម្ចាស់ និងការចាប់ឆ្នោតយករង្វាន់ជាច្រើនផងដែរ។
អារ៉ាតា ហ្គាដិន រ៉េស៊ីដិនស៍ (បុរីអារ៉ាតា) គឺជាគម្រោងមួយរបស់ក្រុមហ៊ុនអចលនទ្រព្យរបស់ជប៉ុនគ្រីដ គ្រុប (Creed Group) ដែលបានបញ្ចប់គម្រោងប្រមាណ ១០០គម្រោងនៅក្នុងតំបន់អាស៊ី ដែលរួមមានប្រទេសជប៉ុន កម្ពុជា វៀតណាម ឥណ្ឌូណេស៊ី ឡាវ បង់ក្លាដេស មីយ៉ាន់ម៉ា និងម៉ាឡេស៊ី ដែលគម្រោងទាំងអស់មានតម្លៃសរុប១,៦ប៊ីលានដុល្លារ។
រីឯនៅក្នុងប្រទេសកម្ពុជាវិញ ក្រុមហ៊ុន គ្រីដ គ្រុប បានអភិវឌ្ឍគម្រោងចំនួន ៣ធំៗ គឺ គម្រោងទី១ ខុនដូបូដាយជូ(Bodaiju) គម្រោង ទី២ បុរីមហាសែនសុខ (Borey Maha Scnsok) ដែលគម្រោងទាំងពីរ នេះបានទទួលការគាំទ្រយ៉ាងពេញទំហឹងពីសំណាក់អតិថិជន ព្រមទាំងបានលក់អស់កាលពីឆ្នាំកន្លងទៅនេះ។
ដោយឡែក គម្រោងទី៣ អារ៉ាតាហ្គាដិន រ៉េស៊ីដិនស៍ (Borey ARATA) គម្រោងបុរីលំនៅឋានជប៉ុន បុរី អារ៉ាតា បានវិនិយោគគម្រោងសាងសង់របស់ខ្លួនក្នុងភូមិបន្លាស្អិត សង្កាត់ឈ្មួញ ខណ្ឌសែនសុខ រាជធានីភ្នំពេញ។បុរីអារ៉ាតា បានបោះទុនវិនិយោគនៅលើផ្ទៃដីទំហំ ៧ហិចតា ដែលមានផ្ទះសរុបចំនួន ៧៣៧ផ្ទះ ដោយផ្នែកទី១ មានផ្ទះសរុបចំនួន ២៣៣ផ្ទះ ផ្នែកទី២ មានផ្ទះសរុបចំនួន ២៦៩ផ្ទះ និងផ្នែកទី៣ មានផ្ទះសរុបចំនួន ២៣៥ផ្ទះ។
លោក EguchiTakachi បានថ្លែងសុន្ទរកថា៖ «នៅក្នុងកម្មវិធីប្រគល់គេហដ្ឋានផ្នែកទី១ជូនអតិថិជន អារ៉ាតាហ្គាដិន រ៉េស៊ីដិនស៏បានលើកឡើងយ៉ាងដូច្នេះថា ការប្តេជ្ញាចិត្តក្នុងការនាំមកជូននូវគុណភាពដ៏ល្អឥតខ្ចោះពីក្រុមការងារសាងសង់ ជាគន្លឹះមួយដ៏សំខាន់សម្រាប់ជោគជ័យមួយនេះ។ ប្រសិនបើមិនមានខិតខំប្រឹងប្រែងយ៉ាងសស្រាក់សស្រាំ និងការគ្រប់គ្រងគុណភាពយ៉ាងល្អនោះទេ គម្រោងមួយនេះច្បាស់ជាមិនអាចដំណើរការទៅបានយ៉ាងរលូននោះឡើយ។ ដូចនេះក្រុមហ៊ុនគ្រីដ គ្រុប នឹងនៅតែបន្តខិតខំប្រឹងប្រែងយ៉ាងយកចិត្តទុកដាក់ថា គម្រោងអភិវឌ្ឍទាំងអស់របស់យើងនឹងស្ថិតនៅក្រោមការគ្រប់គ្រង និងត្រួតពិនិត្យគុណភាពឱ្យបានរឹងមាំនូវគ្រប់ដំណាក់កាលទាំងអស់»។
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com