ជាតិ
សង្គមជាតិ
×![]()
ភ្នំពេញ៖ ជនជាតិចិន៦៩នាក់ ក្នុងនោះមានស្រី១៦នាក់ ត្រូវបានសមត្ថកិច្ចកម្ពុជាផ្នែកអន្តោប្រវេសន៍ សហការជាមួយសមត្ថកិច្ចចិន បានចាប់បញ្ចូនទៅប្រទេសចិនវិញ នាថ្ងៃទី២៨ មករា ឆ្នាំ២០១៩នេះ។ 
បើតាមការចុះផ្សាយរបស់អគ្គស្នងការដ្ឋាននគរបាលជាតិ ជនជាតិចិនទាំង៦៩នាក់នោះ ត្រូវបានបង្ក្រាប ដោយសមត្ថកិច្ចនាយកដ្ឋានប្រឆាំងភេរវកម្មនិងឧក្រិដ្ឋកម្មឆ្លងដែន នៃអគ្គស្នងការដ្ឋាននគរបាលជាតិ កាលពីថ្ងៃទី២១ ខែមករា ឆ្នាំ២០១៩ នៅក្រុងបាវិត ខេត្តស្វាយរៀង ដែលពាក់ព័ន្ធករណីក្លែងបន្លំ តាមប្រព័ន្ធទូរគមនាគមន៍។
សូមរម្លឹកផងដែរ កាលពីចុងខែវិច្ឆិកា ឆ្នាំ២០១៨ កម្ពុជាបានបញ្ជូនជនជាតិចិនដែលប្រព្រឹត្តបទល្មើសនៅខេត្តតាកែវ ចំនួន២៣២នាក់ ទៅស្រុកវិញ។ ក្រុមជនជាតិចិនទាំងនោះ ជាប់ពាក់ព័ន្ធករណីឆបោក គំរាមគំហែង ជំរិតទារប្រាក់ តាមប្រព័ន្ធទូរគមនាគមន៍ (VOIP)៕
Tag:
សង្គម
ចិន
ស្វាយរៀង
© រក្សាសិទ្ធិដោយ thmeythmey.com
