ជាតិ
សេដ្ឋកិច្ច
រូបភាពពីក្រសួងពាណិជ្ជកម្ម
×![]()
ដោយ: ភួង វ៉ាន់ថា
ទំហំពាណិជ្ជកម្មសរុបរវាងកម្ពុជា និងសហរដ្ឋអាមេរិក ក្នុងឆ្នាំ២០១៨ មានទំហំមានទឹកប្រាក់ប្រមាណ ៣,៣១ប៊ីលានដុល្លារអាមេរិក កើនឡើង២៧% បើធៀបនឹងឆ្នាំ២០១៧ ដែលមានត្រឹមតែ ២,៦១ប៊ីលានដុល្លារអាមេរិក។ នេះបើតាមការឲ្យដឹងពីរដ្ឋមន្ត្រីក្រសួងពាណិជ្ជកម្មកម្ពុជា។
បើតាមលោក ប៉ាន សូរស័ក្តិ កម្ពុជាបាននាំចេញទៅកានទីផ្សារអាមេរិកក្នុងទំហំទឹកប្រាក់ ២,៨៨ប៊ីលានដុល្លារ និងនាំចូលមានក្នុងតម្លៃ ៤២៦លានដុល្លារ ដែលធ្វើឲ្យសហរដ្ឋអាមេរិក ក្លាយជាទីផ្សារធំលំដាប់ទីពីររបស់កម្ពុជា ក្រោយពីសហភាពអ៊ឺរ៉ុប។
លោក ប៉ាន សូរស័ក្តិ បានលើកឡើងថា កិច្ចប្រជុំក្រុមប្រឹក្សា TIFA លើកទី៥ ក្នុងព្រឹកថ្ងៃទី ២៨ ខែ មករាឆ្នាំ២០១៩នេះ គឺជាឱកាសដ៏សំខាន់មួយ សម្រាប់ភាគីទាំងពីរតាមដាន និងធ្វើបច្ចុប្បន្នភាពបញ្ហាដែលនៅសេសសល់ រួមជាមួយបញ្ហាថ្មីៗផ្សេងទៀត ដើម្បីបម្រើឧត្តមប្រយោជន៍ប្រទេសទាំងពីរ ដូចដែលមានចែងនៅក្នុងរបៀបវារៈនៃកិច្ចប្រជុំ។
រដ្ឋមន្ត្រីក្រសួងពាណិជ្ជកម្មបានមានប្រសាសន៍ថា៖ «សូមថ្លែងអំណរគុណសហរដ្ឋអាមេរិក ដែលបានផ្តល់ប្រព្រឹត្តិកម្មអនុគ្រោះ GSP សម្រាប់ទំនិញកាបូបដាក់សម្ភារៈធ្វើដំណើរ និងជំនួយបច្ចេកទេសដល់កម្ពុជា ក្នុងការអភិវឌ្ឍច្បាប់ស្តីពីឧបាស្រ័យពាណិជ្ជកម្ម, ការសិក្សាលទ្ធភាពអនុវត្តកិច្ចព្រមព្រៀងស្តីពីកិច្ចសម្រួលពាណិជ្ជកម្ម និងកម្មវិធីកសាងសមត្ថភាពផ្សេងទៀត»។
គួរបញ្ជាកថា ក្នុងឆ្នាំ២០១៨ ការនាំចេញទំនិញសរុបរបស់កម្ពុជា ទៅកាន់ទីផ្សារអន្តរជាតិ មានទឹកប្រាក់ ១២,១ប៊ីលានដុល្លារអាមេរិក កើនឡើង ១០% ធៀបនឹងឆ្នាំ២០១៧ ហើយទឹកប្រាក់នេះ ត្រូវបានគេព្យាករណ៍ថា អាចនឹងកើនឡើងដល់ប្រមាណ ១៣ប៊ីលានដុល្លារអាមេរិក ក្នុងឆ្នាំ២០១៩ ខាងមុខ៕
Tag:
ពាណិជ្ជកម្ម
កម្ពុជា-អាមេរិក
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
