អត្ថបទពាណិជ្ជកម្ម
ធនាគារ FTB រៀបចំគម្រប់ខួប៣៩ឆ្នាំ ឈានចូល៤០ឆ្នាំ នៃប្រតិបត្តិការអាជីវកម្មរបស់ខ្លួន
×![]()
រាជធានីភ្នំពេញ៖ ធនាគារពាណិជ្ជកម្មក្រៅប្រទេសនៃកម្ពុជា (FTB) បានរៀបចំកម្មវិធីអបអរខួបអនុស្សាវរីយ៍គម្រប់៣៩ឆ្នាំ ឈានចូល៤០ឆ្នាំកម្មវិធីអបអរខួបអនុស្សាវរីយ៍គម្រប់៣៩ឆ្នាំ ឈានចូល៤០ឆ្នាំរបស់ខ្លួន កាលពីថ្ងៃទី២៨ ខែមករា នៅសណ្ឋាគារសូហ្វីតែល ភ្នំពេញភូគីត្រា ក្នុងរាជធានីភ្នំពេញ។ ពិធីអបអរខួប ៤០ឆ្នាំនេះ រៀបចំឡើងដើម្បីរំលឹក និងដឹងគុណដល់ស្ថាបនិក ថ្នាក់ដឹកនាំធនាគារ ក៏ដូចជាបុគ្គលិកគ្រប់ផ្នែក ព្រមទាំងស្ថាប័នពាក់ព័ន្ធ ដៃគូធុរកិច្ច និងអតិថិជនទាំងអស់ ដែលបានគាំទ្រ និងជឿជាក់ លើធនាគារពាណិជ្ជកម្មក្រៅប្រទេសនៃកម្ពុជា (FTB) កន្លងមក។ កម្មវិធីអបអរខួបអនុស្សាវរីយ៍គម្រប់៣៩ឆ្នាំ ឈានចូល៤០ឆ្នាំនេះ បានប្រព្រឹត្តទៅក្រោមអធិបតីភាព លោក ជា ចាន់តូ អគ្គទេសាភិបាលធនាគារជាតិនៃកម្ពុជា , ភាគទុនិក ក្រុមប្រឹក្សាភិបាល ថ្នាក់ដឹកនាំបុគ្គលិករបស់ធនាគារ FTB, ស្ថាប័នពាក់ព័ន្ធ ដៃគូធុរកិច្ច និងភ្ញៀវកិត្តិយសជាតិ និងអន្តរជាតិជាច្រើនរូបទៀត។
ក្នុងនាមជាធនាគារពាណិជ្ជដំបូង និងនាំមុខគេក្នុងប្រទេសកម្ពុជាចាប់តាំងពីឆ្នាំ១៩៧៩ ធនាគារពាណិជ្ជកម្មក្រៅប្រទេសនៃកម្ពុជា (FTB) បានដើរតួនាទីយ៉ាងសំខាន់ ក្នុងការចូលរួមលើកកម្ពស់ និងអភិវឌ្ឍទីផ្សារសេដ្ឋកិច្ច និងសង្គមជាតិ តាមរយៈការជំរុញ គាំទ្រ និងជួយផ្តល់សេវាហិរញ្ញវត្ថុជាមូលដ្ឋានចាំបាច់ ដល់អតិថិជន អាជីវករ និងពាណិជ្ជករក្នុងស្រុក។
ផ្អែកលើមូលដ្ឋានគ្រឹះអាជីវកម្មដ៏រឹងមាំ សមិទ្ធផលជាច្រើន និងបទពិសោធន៍ក្នុងដំណើរការចូលរួមជួយអភិវឌ្ឍទីផ្សារ និងសេដ្ឋកិច្ចជាតិ រយៈពេល៣៩ឆ្នាំកន្លងមកនេះ ទ្រព្យសកម្មសរុបរបស់ធនាគារ បានកើនឡើងជាង ១,០០០លានដុល្លារ។ ធនាគារពាណិជ្ជកម្មក្រៅប្រទេសនៃកម្ពុជា (FTB) បានកំណត់ទិសដៅអាជីវកម្មរយៈពេលវែងមួយច្បាស់លាស់ ក្រោមចក្ខុវិស័យ ជំរុញអោយធនាគារពាណិជ្ជកម្មក្រៅប្រទេសនៃកម្ពុជា (FTB) ក្លាយជាធនាគារពាណិជ្ជ ដែលទទួលបានការពេញចិត្តជាងគេ នៅក្នុងប្រទេសកម្ពុជា។
ស្របតាមទិសដៅអភិវឌ្ឍន៍វិស័យធនាគារ និងហិរញ្ញវត្ថុរបស់ធនាគារជាតិនៃកម្ពុជា និងដើម្បីឈានសម្រេចបាននូវទិសដៅរយៈពេលវែងដែលបានកំណត់ ធនាគារពាណិជ្ជកម្មក្រៅប្រទេសនៃកម្ពុជា (FTB) នឹងបន្តពង្រីកសកម្មភាពប្រតិបត្តិការបស់ខ្លួន និងលើកកម្ពស់កម្រិតស្តង់ដារផ្តល់សេវាកម្ម ផលិតផលថ្មីៗ ដែលជាដំណោះស្រាយហិរញ្ញវត្ថុដ៏សមស្របជូនដល់អតិថិជន និងទីផ្សារ។ ទន្ទឹមគ្នានេះ ធនាគារពាណិជ្ជកម្មក្រៅប្រទេសនៃកម្ពុជា (FTB) ក៏នឹងបន្តចូលរួមយ៉ាងសកម្ម ក្នុងការជួយលើកស្ទួយការប្រើប្រាស់ប្រាក់រៀល និងបន្តដើរតួនាទីសំខាន់របស់ខ្លួន ក្នុងការចូលរួមជួយអភិវឌ្ឍ លើកកម្ពស់ទីផ្សារ សេដ្ឋកិច្ចជាតិ និងជួយគាំទ្រអតិថិជនដៃគូក្នុងស្រុកទាំងអស់ ឲ្យកាន់តែរីកចម្រើនថែមទៀត ឲ្យស្របទៅតាមគន្លង និងទិសដៅអភិវឌ្ឍន៍សេដ្ឋកិច្ចជាតិ របស់រាជរដ្ឋាភិបាលកម្ពុជា៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
