តើអ្នកដឹងទេ? ការសិក្សានៅបរទេសជាបទពិសោធន៍ដ៏មានតម្លៃ។ អ្វីដែលគួរអោយចាប់អារម្មណ៍បំផុត គឺការបើកទំព័រថ្មីនៃជីវិត ទទួលយកមិត្តភក្តិថ្មី និងបរិយាកាសរស់នៅថ្មី ហើយអ្នកនឹងមើលឃើញពីភាពរីកចម្រើននៃបច្ចេកវិទ្យារបស់ពិភពលោក ដែលកាន់តែធ្វើឲ្យអ្នកមានគំនិតទូលំទូលាយនិងបង្កើនភាពច្នៃប្រឌិតបន្ថែមទៀត។ អ្នកនឹងផ្លាស់ប្ដូរផ្នត់គំនិត និងការគិតបែបថ្មីដែលធ្វើឲ្យអ្នកយល់កាន់តែច្បាស់អំពីខ្លួនឯង។ មិនត្រឹមតែប៉ុណ្ណោះអ្នកមានឱកាសជាច្រើនក្នុងការអភិវឌ្ឍសមត្ថភាពថែមមួយកម្រិតទៀត ដែលអាចក្លាយជាធនធានដ៏មានប្រយោជន៍សម្រាប់ការអភិវឌ្ឍន៏ប្រទេសជាតិ ។ជាមួយគ្នានោះដែរ អ្នកអាចយល់ដឹងពីវប្បធម៌បរទេសកាន់តែច្បាស់ និងអំពីរបៀបរស់នៅរបស់ជាតិសាសន៏នីមួយៗ។
បន្ថែមពីនេះ អ្នកអាចបំប៉នសមត្ថភាពភាសាបរទេសរបស់អ្នកឲ្យបានកាន់តែល្អជាមួយនឹងបរិយាកាសថ្នាក់រៀនបែប អន្តរជាតិដែលមាន សិស្ស និស្សិតមកពីបណ្តាប្រទេសនានាជុំវិញពិភពលោកដែលអ្វីទាំងនោះសុទ្ធតែជាបទពិសោធន៍ជីវិតដែលមិនអាចកាត់ថ្លៃបាននិងជាផ្នែកមួយដ៏សំខាន់សម្រាប់ឱកាសការងារនៅពេលខាងមុខផងដែរ។
ដូច្នេះការជ្រើសរើសទៅសិក្សានៅក្រៅប្រទេសគឺជាជម្រើសដ៏ល្អសម្រាប់អនាគតរបស់អ្នក ឬ បុត្រធីតារបស់លោកអ្នក។
វិទ្យាស្ថានអន្តរជាតិកម្ពុជា-អាស៊ាន (CAM-ASEAN) បានបង្កើត មជ្ឈមណ្ឌលសិក្សាបរទេស ឬ Study Abroad Center សម្រាប់ផ្តល់ព័ត៌មានអាហារូបកណ៍បរទេស និងការសិក្សាបង់ថ្លៃ ដល់សិស្សនិស្សិតកម្ពុជាដែលមានបំណងបន្តការសិក្សានៅបរទេស។
មជ្ឈមណ្ឌលនេះត្រូវបានបង្កើតឡើងដោយសារសង្កេតឃើញថា សិស្ស និស្សិតកម្ពុជា ជាច្រើនមានគោលបំណងចង់ទៅសិក្សានៅបរទេស ប៉ុន្តែពួកគេទទួលបាននូវព័ត៍មានដែលមានកម្រិត ក៏ដូចជាមានចម្ងល់និងមិនមានទំនុកចិត្តទៅលើ ព័ត៌មាន និងសេវាកម្មទាំងនោះ។
ដូចនេះហើយ វិទ្យាស្ថាន CAM-ASEAN បានសហការជាមួយមជ្ឈមណ្ឌល សាលានិងសាកលវិទ្យាល័យល្បីៗ ជាច្រើននៅបរទេសដែលអាចទទួលសិស្ស និស្សិតកម្ពុជាទៅសិក្សាបាន។ ការសិក្សានៅសាកលវិទ្យាល័យបរទេសមិនមែនជាកង្វល់ របស់សិស្ស និស្សិតកម្ពុជាទៀតទេ។
ខាងក្រោមនេះគឺជាបណ្តាប្រទេសដែលទទួលបានការគាំទ្រពីសំណាក់សិស្ស និស្សិតកម្ពុជា៖ សហរដ្ឋអាមេរិក អូស្ត្រាលី ចក្រភពអង់គ្លេស នូវែលសេឡង់ សិង្ហបុរី កាណាដា ថៃ និងប្រទេសនានាជុំវិញពិភពលោក។
ដើម្បីត្រៀមខ្លួនរួចជាស្រេចក្នុងការបន្តការសិក្សានៅបរទេស ពួកយើងសូមណែនាំឲ្យសិស្ស និស្សិតទាំងអស់ គួរមាននូវឯកសារសំខាន់ៗដូចជា ១) ឯកសារផ្ទាល់ខ្លួន ២) ឯកសារការសិក្សា និង ៣) ឯកសារហិរញ្ញវត្ថុ។
មជ្ឈមណ្ឌលសិក្សានៅបរទេស មានផ្តល់សេវាកម្មប្រឹក្សាយោបល់ ទទួលរៀបចំពាក្យសុំចូលរៀន និងទិដ្ឋាការសម្រាប់ សិស្ស និស្សិតដែលមានគោលបំណងទៅសិក្សានៅបរទេស តាមរយៈដៃគូអន្តរជាតិជាមួយនឹងជម្រើសកម្មវិធីសិក្សាល្អៗ និងពិសេសជាច្រើន។
>> អាចទំនាក់ទំនងតាម :
CAM-ASEAN អាស័យដ្ឋាននៅអគារលេខ ១៨B ផ្លូវ ២០៥ សង្កាត់ទួលស្វាយព្រៃ២ ខណ្ឌចំការមន ខាងត្បូងភោជនីយដ្ឋាន ខ្មែរ-ថៃ ចម្ងាយ ៥០ ម៉ែត្រ បត់ចូលតាមហាងលក់ផ្លែឈើ ស្រីមុំអូទ្បាំពិក។
ទូរស័ព្ទលេខ៖ 093 900 779 / 093 900 740