អត្ថបទពាណិជ្ជកម្ម
×![]()
ដោយ: ថ្មីៗ
ដើម្បីចូលរួមចំណែកលើកកម្ពស់វិស័យកសិកម្មនៅក្នុងប្រទេសកម្ពុជា ព្រមទាំង ផ្តល់ចំណេះដឹងដល់កសិករពីបច្ចេកទេស ព័ត៌មានទីផ្សារកសិកម្ម ផ្តល់គន្លឹះសំខាន់ៗក្នុងការដាំដំណាំ ស្វែងរកសម្ភារកសិកម្ម និងចិញ្ចឹមសត្វឱ្យកាន់តែ ប្រសើរឡើង កាលពីថ្ងៃ ទី ២៩ ខែមករា ឆ្នាំ ២០១៩ នៅសណ្ឋាគារ The Great Duke បានដាក់ឲ្យដំណើរការ កម្មវិធីទូស័ទ្ទមួយដែលមានឈ្មោះថា «ទន្លេសាប»។
កម្មវិធីទូរស័ព្ទដែ «ទន្លេសាប» ត្រូវបានដាក់ឲ្យប្រើប្រាស់ដោយសេរីលើ App Store ប្រព័ន្ធ (IOS) និង Play Store ប្រព័ន្ធ Android ដែលផ្តល់ជូនមុខងារពិសេសជាច្រើនដូចជា ទទួលបានចំណេះដឹង និងបច្ចេកទេសកសិកម្មនានា (ដាំដំណាំ និងចិញ្ចឹមសត្វ) ទទួលបាននូវការចែករម្លែកបទពិសោធន៍ពីសំណាក់កសិករជោគជ័យ។ កាន់តែពិសេសក៏ទទួលបាននូវការប្រឹក្សាយោបល់ពីអ្នកជំនាញកសិកម្ម ដើម្បីដោះស្រាយបញ្ហាដែលកសិករបានជួបប្រទះ ងាយស្រួលស្វែងរកសម្ភារកសិកម្មពីក្រុមហ៊ុន ឬដេប៉ូផ្គត់ផ្គង់សម្ភារ កសិកម្ម ទទួលបានព័ត៌មានថ្មីៗដែលពាក់ព័ន្ធនឹងតម្លៃទីផ្សារផលិតផលកសិកម្ម និងអាចកត់ត្រាព័ត៌មានទាក់ទងនឹង កសិដ្ឋានផ្ទាល់ខ្លួននៅលើទូរស័ព្ទដៃ។
លោក គា បូរាណ ប្រធាននាយកប្រតិបត្តិនៃគ្រឹះស្ថានមីក្រូហិរញ្ញវត្ថុ អេ អឹម ខេ បានឱ្យដឹងក្នុងសិក្ខាសាលាដាក់ឱ្យ ប្រើជាផ្លូវការនៃកម្មវិធីទូរស័ព្ទទន្លេសាបថា៖ “ដោយមើលឃើញពីអតិថិជន អេ អឹម ខេ ជាង៥០% បានខ្ចីប្រាក់យកទៅប្រកប មុខរបរធ្វើកសិកម្មដូចជា ធ្វើស្រែ ចំការ និងចិញ្ចឹមសត្វជាដើម ។ ដូច្នេះហើយបានជា អេ អឹម ខេ ផ្តួចផ្តើមគំនិតក្នុងការបង្កើត កម្មវិធីទូរស័ព្ទដៃទន្លេសាបនេះឡើង ដោយមានការចូលរួមគាំទ្រពីរាជរដ្ឋាភិបាលកម្ពុជា អង្គការជាតិ និង អន្តរជាតិជាច្រើន ហើយនេះក៏ជាសមិទ្ធិផលថ្មីមួយទៀតដែល អេ អឹម ខេ បានចូលរួមចំណែកជួយលើកម្ពស់វិស័យកសិកម្មនៅកម្ពុជា។ លោក សង្ឃឹមថាកម្មវិធីទូរស័ព្ទដៃទន្លេសាបនេះ នឹងផ្តល់អត្ថប្រយោជន៍ដល់កសិករខ្មែរក្នុងការធ្វើស្រែ ចំការ និងចិញ្ចឹមសត្វ ឱ្យកាន់តែរីកចម្រើន និងទទួលបានប្រាក់ចំណូលកាត់តែច្រើនព្រោះថាក្នុងកម្មវិធីនេះគឺយើងព្យាយាមផ្សារភ្ជាប់តួអង្គនៃខ្សែ ច្រវាក់ផ្គត់ផ្គង់កសិកម្មពី អ្នកផ្គត់ផ្គង់សម្ភារៈកសិកម្ម អ្នកផលិត អ្នកទិញលក់ផ្ទាល់បានជួបគ្នា។ បន្ថែមពីនេះក៏ផ្តល់បច្ចេកទេស ដាំដុះ ការប៉ាន់ប្រមាណពីចំណូល និងចំណាយដើម្បីឱ្យកសិករគាត់ត្រៀមថវិកាក្នុងការផលិតតាមបច្ចេកទេសណែនាំ និងអាចទំនាក់ទំនងផ្ទាល់មកគ្រឹះស្ថានមីក្រូហិរញ្ញវត្ថុ អេ អឹម ខេ សម្រាប់តម្រូវការសេវាហិរញ្ញវត្ថុនានា ដូចជា កម្ចី ឬ ផ្ទេរប្រាក់ជាដើម។
លោក ស្រ៊ុន សុខុម អគ្គនាយករងនៃអគ្គនាយកដ្ឋានកសិកម្មនៃក្រសួងកសិកម្ម រុក្ខាប្រមាញ់ និងនេសាទ បានមានប្រសាសន៍ថា៖ “គោលដៅរួមរបស់រាជរដ្ឋាភិបាលកម្ពុជាគឺដើម្បីកាត់បន្ថយភាពក្រីក្រ និង ជំរុញកំណើនសេដ្ឋកិច្ចតាមរយៈការលើកកម្ពស់ការអភិវឌ្ឍវិស័យកសិកម្ម។ គោលដៅសំខាន់សម្រាប់អភិវឌ្ឍវិស័យកសិកម្ម គឺដើម្បីធានាឱ្យបាននូវសន្តិសុខស្បៀង បង្កើនចំណូល បង្កើតឱ្យមានការងារធ្វើ និងធ្វើឱ្យប្រសើរឡើងនូវស្ថានភាពអាហារ រូបត្ថម្ភសម្រាប់ប្រជាពលរដ្ឋទាំងអស់តាមរយៈការបង្កើនផលិតភាពកសិកម្ម។ ហើយកម្មវិធីទូរស័ព្ទដៃទន្លេសាបនេះពិតជាបាន បង្កើតឡើងចំពេលដែលស្របទៅនឹងទិសដៅរបស់រដ្ឋាភិបាល និងសម័យបច្ចេកវិទ្យាទូរស័ព្ទ ដើម្បីជួយផ្តល់ជាចំណេះដឹង ផ្នែកកសិកម្មដល់ប្រជាពលរដ្ឋជាពិសេសកសិករកម្ពុជា ដែលពួកគាត់ងាយស្រួលក្នុងការស្វែងរកប្រភពចំណេះដឹងដូចជា វិធីធ្វើដើម្បីទទួលបានទិន្នផលខ្ពស់ជាមួយបច្ចេកទេសដែលមានស្តង់ដារ។
ម្យ៉ាងវិញទៀត ងាយស្រួលក្នុងការរកធាតុចូលសម្រាប់ផលិតកម្ម កសិកម្ម មិនតែប៉ុណ្ណោះអ្វីដែលលោកពេញចិត្តនោះគឺ កសិករអាចយល់បានកាន់តែច្បាស់ពីតម្លៃទីផ្សារផលិតផល និងធាតុចូល កសិកម្មភ្លាមៗ ដែលធ្វើឱ្យពួកគាត់កាន់តែមានអំណាចក្នុងការចរចាតម្លៃទាំងពេលទិញធាតុចូលកសិកម្ម និងលក់ផលិតផល ទៅវិញ និងអាចរួចផុតពីការបោកបញ្ឆោតពីឈ្មួញកណ្តាលមួយចំនួនក្នុងការទម្លាក់តម្លៃផលិតផលរបស់ពួកគាត់។ លោកបានបញ្ចាក់ ផងដែរថាការសហការជាដៃគូរវាងក្រសួងកសិកម្ម រុក្ខាប្រមាញ់ និងនេសាទ និងគ្រឹះស្ថានមីក្រូហិរញ្ញវត្ថុ អេ អឹម ខេ ជា សកម្មភាពចូលរួមអនុវត្តកម្មវិធីភាពជាដៃគូរវាងគ្រឹះស្ថានសាធារណៈ និងវិស័យឯកជន (Public-Private Partnership) ដែលរាជរដ្ឋាភិបាលកម្ពុជាបានលើកកម្ពស់ និងជំរុញនាពេលបច្ចុប្បន្ន។ ជាចុងក្រោយលោកសូមអរគុណដល់គ្រឹះស្ថានមីក្រូហិរញ្ញវត្ថុ អេ អឹម ខេ ក៏ដូចជាអង្គការជាតិ អន្តរជាតិ និងដៃគូអភិវឌ្ឍន៍ ជាច្រើនដែលបានយកចិត្តទុកដាក់ និងគាំទ្រក្នុងការបង្កើតកម្មវិធីទូរស័ព្ទដៃ «ទន្លេសាប » នេះឡើង។
ម្យ៉ាងវិញទៀត ងាយស្រួលក្នុងការរកធាតុចូលសម្រាប់ផលិតកម្ម កសិកម្ម មិនតែប៉ុណ្ណោះអ្វីដែលលោកពេញចិត្តនោះគឺ កសិករអាចយល់បានកាន់តែច្បាស់ពីតម្លៃទីផ្សារផលិតផល និងធាតុចូល កសិកម្មភ្លាមៗ ដែលធ្វើឱ្យពួកគាត់កាន់តែមានអំណាចក្នុងការចរចាតម្លៃទាំងពេលទិញធាតុចូលកសិកម្ម និងលក់ផលិតផល ទៅវិញ និងអាចរួចផុតពីការបោកបញ្ឆោតពីឈ្មួញកណ្តាលមួយចំនួនក្នុងការទម្លាក់តម្លៃផលិតផលរបស់ពួកគាត់។ លោកបានបញ្ចាក់ ផងដែរថាការសហការជាដៃគូរវាងក្រសួងកសិកម្ម រុក្ខាប្រមាញ់ និងនេសាទ និងគ្រឹះស្ថានមីក្រូហិរញ្ញវត្ថុ អេ អឹម ខេ ជា សកម្មភាពចូលរួមអនុវត្តកម្មវិធីភាពជាដៃគូរវាងគ្រឹះស្ថានសាធារណៈ និងវិស័យឯកជន (Public-Private Partnership) ដែលរាជរដ្ឋាភិបាលកម្ពុជាបានលើកកម្ពស់ និងជំរុញនាពេលបច្ចុប្បន្ន។ ជាចុងក្រោយលោកសូមអរគុណដល់គ្រឹះស្ថានមីក្រូហិរញ្ញវត្ថុ អេ អឹម ខេ ក៏ដូចជាអង្គការជាតិ អន្តរជាតិ និងដៃគូអភិវឌ្ឍន៍ ជាច្រើនដែលបានយកចិត្តទុកដាក់ និងគាំទ្រក្នុងការបង្កើតកម្មវិធីទូរស័ព្ទដៃ «ទន្លេសាប » នេះឡើង។
គួរបញ្ជក់ផងដែលថា កម្មវិធីទូរស័ព្ទដៃ ទន្លេសាបត្រូវបានផ្តួចផ្តើម និងបង្កើតឡើងដោយគ្រឹះស្ថានមីក្រូហិរញ្ញវត្ថុ អេ អឹម ខេ ក្រោមកិច្ចសហប្រតិបត្តិការជាមួយ ក្រសួងកសិកម្ម រុក្ខាប្រមាញ់ និងនេសាទ និងគាំទ្រសហការមូលនិធិដោយ គ្រឹះស្ថានមីក្រូហិរញ្ញវត្ថុ អេ អឹម ខេ គម្រោងមូលនិធិការបង្កើតថ្មីសម្រាប់កាត់បន្ថយភាពក្រីក្រ (IAP) ដែលសហការអនុវត្តរួមគ្នាដោយ Sida, SNV, IBSweden និង BoPInc និងគម្រោងហាវែស II នៃទីភ្នាក់ងារជំនួយអាមេរិក USAID ៕
© រក្សាសិទ្ធិដោយ thmeythmey.com
